Ngeenndi am ndii ana joginoo wonndinoo e tiiɗallaaji keewɗi.
Min ndoomanno wattu juɗɗo faa ɓooya so min keɓa ndiyam to pompi too.
Min ndoomanno ɲaamduuji nguure ɗi woɓɓe ndokkata ndokkitirta.
Min uddanno garuuje men gila law saabe wuyɓe.
Sukaaɓe heewɓe njaltii jannde lekkol.
Boomi ngollayanoo kasooye samal ley geelle.
Cukaloy ngoroy njiilortonoo ni tan seraaji ngeenndi ndii.
Yogaaɓe ngolloya ley gese.
So henndu wifii. Ɗereeji kiiɗɗi ɗii a na cinndoo e leɗɗe e hoggooji.
Min tippinoo keeɗe keeɗoy butoy fey min kakkiltaa.
Yimɓe barmike e hen.
Nii ɲannde wootere ndiyam pompi oo ɓeeɓi yoori.
Kaake amen ɓoolɗii ɓollum dardii no.
Babban Babbam yaahanno galle e galle.
Mo ndaardi yimɓe ngara kawra e batu ngeenndi ndii.
Yimɓe mooɓii kawritii ley lekki mawki kii ana faa kettinoo kabbaaru oo.
Babban Babbam immii.
Mo wii: «Eɗen kaani goollididde yalla tiiɗallaaji men ɗii ana iwa.»
Juma, sukka duuɓi jetti, ana jooɗinoo dow foomre lekki.
Mo ɲoni feeki : «Miɗo waawi faabaade laɓɓinde ngeenndi ndii banngal cennam.»
Debbo gooto holliti: «Rewɓe ɓee ana mbaawi tawtude kan faa min ndema nguure.»
Gorko goɗɗo immii mo wii: «Worɓe asan ɓunndu.»
Min fuu min mbiidii darannde e daande ngoota: «Eɗen kaani waylitidde no nguurdu-ɗen ni.»
Illa ɲennde mun, min puɗɗi gollididde faa min kunca tiiɗallaaji amen.
Translation - EMPOWER Project Mali
Illustration - Vusi Malindi
Language - Fulfulde (Mali)
Level - First paragraphs
Creative Commons: Attribution 4.0
Source www.africanstorybook.org
Original source
