Kӑla tәla tadӑbayt-in timɣutar ӑjjootnen.

Nәkann tӑhajit hullan ɣur-fӑnfi har nәjarrӑw aman.

Nәtaqqăl i-ăsador wa -hanăɣ hăkkăn ăddinăt iyyăḍ.

Nәtәhhar ihӑnan-nӑnӑɣ šik făl-a-s năksuḍ imӑkrӑḍӑn.

Әzjărăn aratăn ӑjjootnen lӑkkol.

Kăla šăqqălnăt timawaḍen dӑɣ-tidbi tiyyӑḍ šund ɣas tinaxdimen.

Imawaḍӑn iyyaḍ tiwlilijǎn dӑɣ-attayăn n-tadӑbayt.

Iyyaḍ xaddӑmӑn dӑɣ-išәkraš.

E d infăr aḍu, ad-tilәyӑn ӑlkaḍӑn wi wӑššarnen dǎɣ-ihәkšan d-ifәrjan.

Nәnḍӑw-in timašiwen n-alkasӑn dӑɣ-a hin-wӑr-nәjreh.

Ǝhyӑjӑn ӑddinӑt.

Ašӑl iyyӑn ibdăd fӑnfi.

Ǝstăkӑn ikassӑn-nӑnӑɣ.

Irajjӑš abba-nin jer-ihӑnan.

Ittăr dӑɣ-ӑddinӑt ad-dd-әjjәšӑn tӑmoqqest n-kӑl-tadӑbayt.

Ăddewӑn-dd ӑddinӑt daw-ahәkš mӑqqӑrӑn, ӑsjӑdӑn.

Ibdӑd abba-nin.

Innӑ: « Tәlzam-anӑɣ tartit dӑɣ-әššăɣәl har nәkәnn timɣutar-nӑnӑɣ. »

Juma, ilan әttam elăn, iqqima fǎll-tadra n-ahәkš.

Ǎsbălbăḍ innӑ : « Ǝddobeɣ tadhәlt s-ašәšdaj. »

Tәnnӑ tamӑḍt tiyyӑt : « Ǝddoobӑtnӑt tiḍeḍen ad-hi-ilalnăt har nәddumәt isudar. »

Ibdӑd ӑhalәs iyyӑn innӑ : « Meddәn ad-әɣәšӑn anu. »

Nohӑr ɣәrәd-nănăɣ anăḍaw n-ăkorăy nәnnӑ : « Ilzam-anӑɣ asәmmuttәy n-tәmәzzoɣt-nӑnӑɣ. »

A ija ašӑl-wen-dӑɣ, nәrtay dӑɣ-әššăɣәl i-әmukәn n-timɣutar-nӑnӑɣ.