Otu nwaanyị na nwa ya gara n'ime ọhịa.

Ọ gara ịtụtụ mkpụrụ osisi.

N'ime ọhịa ahụ, ọ hụrụ otu osisi nwere mkpụrụ osisi chara acha.

O dobere nwa ya na-ehi ụra wee rịgoro n'elu osisi ahụ.

Otu erotot sitere na obodo ọzọ bịara. Ọ hụrụ nwa ọhụrụ ahụ. O juru ya anya.

Ọ jụrụ onwe ya, "Olee ebe nne ya nọ?"

O hulatara ala.

Ụda ola olu ígwè no ya n'olu kpọtere nwa ọhụrụ ahụ n'ụra.

O kwere ka nwa ọhụrụ ahu jiri ola olu ígwè ya gwuo egwu.

Nwata ahụ chịrị ọchị ka ọ na-egwuri egwu.

Nwanyị ahụ ledara anya ka ọ hụ ihe mere nwa ahụ ji na-achị ọchị.

Ọ hụrụ onye ala ọzọ ahụ.

Ụjọ tụrụ ya nke ukwuu nke na ọ tụpụrụ akpa mkpụrụ osisi ya.

Onye ala ọzọ ahụ lere anya.

Ọ sịrị, "Atụla egwu, naanị nwa gị mara mma ka mu na ya na-egwu egwu."

Nwaanyị ahụ wee si n'osisi ahụ rịdata.

Onye ala ọzọ ahụ wepụrụ otu n'ime ola olu ígwè ya.

O nyere ya nwa ọhụrụ ahụ. "Nke a bụ onyinye m na-enye gị.

"Kpọrọ nwa gị laa. Gwa di gị ka ọ kwaga n'obodo ka nwee udo karịa. Nwa gị enyela m udo," onye ala ọzọ ahụ kwuru.