Bloo po hay we ti wur a ɗeŋ ga Lodipo.

A hay de naare, Akai lay Akitela lay.

Wa̧y Lodipo ma taŋ gun, Akai, hay kay man ɓe maa rew no diŋ se boŋ tu.

Ti wur po, May waare maa ni Lodipo, Akitela, raw wa̧a̧ge ga : "Naa see we ti ŋgel maaga go too no."

Ngel maaga á hày woo ni tumtum jar joŋ fereŋ hɔɔrɔg hay woo led raage.

Lidipo hay wa̧a̧ ne wa̧y ɓe Akitela ga man se maa de rew no hày bay fiŋ gi waa. Akitela raw durgi maaga saara mo uri lay saara mo men man Lodipo go golog ɓaara.

Hay ga naa raw we go ti ŋgel taꞌla ga no, ndi ferge ni paare ɓi woo, raw wa̧a ge do sen Akitela ne Lodipo.

Lodipo hay da Akitela de ɓaŋ, ni bage laꞌ mo kay a hày men wiigi ɓen woo go. Á ꞌuy se ɓaara maa rawge.

Wa̧y maa taŋ gu, Akai, raw koo sen ne galaw ge.

Man Lodipo maa de rew no hay de hày le ti ho̧o̧ge fii yer ko. A hày bay koo fen maaga de caagad ge moo waa.

"Naa ka̧a̧ maa men ɓe go golog men ge la?" Akai raw wi jag se ɓe do sen no.

Lodipo lay naare ɓe woo lay raw woo hoo fȩȩre ɓaara woo ɓuy ti man yoŋ yoŋ woo. Á raw woo ɓaara de sa̧y bay joŋ guꞌa so ne wa̧y kulu no.

Akai hày raa debaŋ wer ga a go de car jag jiili de maaga kaa ɓe hay guꞌa boŋ ɓe.

Wa̧y kulu hày raa lay a ꞌwa siŋ law ge de ɗe ɗu wel ɓe no.

A hày wi jag se ɓe ga woo se ɗaw ge se paala. A hày wi jag se ɓe ga woo se maŋ se le go nen cége maa tuu la.

De par day mo kay tu mono blam rawge Lodipo lay naare ɓen lay, jar ɓalag f̧eȩre raw woo yiŋ ŋgel no.

Jar ɓalag fȩȩre raw woo wi wa̧y kulu ga a gab ŋgel maaga wel ɓen hày raw ni mono. "Wur man golog ɓe maa i̧gi ɓe go," wa̧a̧ do sen kay diŋ saara.

A raw kem raage ga : "I̧we wa̧y maa tan gun go waa lay weere ɓe woo lay."

A hày wa̧a̧ ne haara ga ya̧a̧ kamga ɓe maaga Lodipo ba ne woo doo ɓe mono.

Jar durgi hày man golog Lodipo. De gar ŋgel maaga a hày hày ti ŋgel maa de fay, á hày ba woo ne.

Á hày baŋ woo ne lay may waare ɓe lay.

Wa̧y ɓe ma taŋ gu, Akai, fer ni kaa ɓe de gamla no.

Á woo ɓuy hay woo wooge.