I kəsa duwa zləm ŋa Kəsapat kamala ma gweɗe kuwte pat dəm duwa zubul sik ŋa a ndzawa i fata ŋa.

Zlum ngar Aku. Aku a ndzakawaba a ba ga duk hine.

I ga təv ngiɗ ka, Dede ngar, Ataa Ankra, mala ma gəsa kəlef a gwaɗar ta dawaba a me gese kelef məma ŋa i sləlah yam. I təv ana ta dzahərba a ma gəse kəlef nda dede ngar a ka, Aku a wiz a ba ngar, a mala na dziye pat a pərawa ngat dega i gəza mbulum a.

I ga təv ngiɗ ka Aku a zlakawa Mama ngar A'anua a mede ɗaf. Aku a wiz a ba ngar, a mala na mal manja a pat ka nduzza na i kəzlam a, ama zaklazakla na i tasa ɓulum a.

Aku a wuza a ba ngar a mala na damir ngar Oti nda gabza ga hasləka ngeɗ ta waya tsa na a lekka a bolon nda tar a. A pat duwa, a wuza tar. Ama ta dzəba a ma sawlahar, ta gwaɗar da a maga mahaw nda gabza dəm.

Gabza dəm ibam ta waya ma ge mahaw nda Aku tsa. "Sik ya ka zubbul ŋa," ta gwaɗawar huw ya. Aku a ndzaba a gər ngar. Wura ngəɗ a riŋ tsa na ta fafəlawaba ya.

I dəba ŋa ya ka, Aku a gəs masla a pat. Kəla a mekwede, idəba na a piɗekwa ya ka, a waya ma ngatar tsara.

Ga guŋgwazl tə dzəba a tuwa a ma ɗefa ma dəva mbulom. Aku a waya megirve hine nda mekwede huwde! Sisiye ngar a girve nda ngat. Nda ga tuwa ga ɗiyeŋ, dimes guŋgwazl a dagaba ka lele.

Pat a vəlar sawla a rəv. A ka ngatar a pat ka a mar dar ka sawla sawla.

Ama a pat duwa ka pat ka mbəzara tsa. Aku a vava metuwe guŋgwazl ama ɗiɗik ɗiɗik. Ga ɗiyeŋ ibam tekeɗek ta tuwa tsa. Na pat ka bəzara tsa ka, ga na i kəsa Kəsapat tasle a me ge imir tar tsa. Gabzla mifite te sla a ma da a dala tsa.

Gəza mbulom a ndza ka kamala labara tuwa ye. Ataa Ankra a sle a me da ma ges kilef tsa. Gabza tekeɗek te sle a ma de a lekol tsa. Ga mekes kini tə sle a me de ma sikəma savon nda kwelenjer i kuskwa ya tsa.

Ga dukwa ta tserdze a velar hawa a Aku. Tuwa guŋgwazl nda ga ɗiyeŋ a gar hawa mba ŋa. Ndey ndey ŋa ka pat na a riŋ tisi ya.

Ga mburma ta wiz pat a da na a nga. "Wana ka mət a, ta wiz a batar. Ka da a təva ya, ga məsle ngiɗ ta gwa." Kay, Aku a gwa, ka mət tsa. "A ka da a təva ŋa tsa, ana ka a tsiki ŋa a ba ya." Aku ta keɗek a rəv i hir mba tsa ka mala gəza mbulum ta mbaŋa.

Ga məsle ngəɗ ta dzəba a sawla, ama a gwaɗatar: "Nda njer ŋa, duk a na i tsiika. Pat ka masla ga. A ka mət tsa. Njer ŋa.." Ama ta dzahar zləm tsa.

Gabza mbaŋa ta sawla har, tar tekeɗe.

Aku ta keɗek a rəv i hir mba tsa ka mala gəza mbulum ta mbaŋa.

A mbara ba ya a ma ya. A ndzara a ma ya ka, a ləma a bolon damər ngar nda ma zuya gər nga tsa. Bolon a ta a da a lakar a kezləm i zlagwaɗ, a dza mal manja duwa i fata.

Mal manja ta a dza a baɗ ha a ga hirwaŋ a bolon a ta.

Oti a mara a ma ya nda masla ngar duwa. A waya a zle bolon ngar. A pər ka kəzləm i baɗ, mal manja kini i baɗ. A pəra a bolon ngar nda hirwaŋ ŋa.

I dəba na a waya a me de ala a damər ngar ta ya i təv A'anua ka, Aku a zla bolon a val dar. Oti nda masla ngar, ta zazam Aku a bəra tə la a A'anua i ma. A'anua a ngatar a dəm ngar nda bolon i hər ngar, ilek a na a zalar a me palar ahəm ka, Aku a val i kamiɗ ngar a.

Oti, A'anua nda gabzla kəsa tserdze ta pəra a Aku ana a vele ya. Ta gwa, a lza bolon a ta hirwaŋ i hər na a gadər la.

Aku a hitse i magər kəsa tar. I təka bolon a ta a baɗ.
A dzəba a ma ɓezla a hər nda dzəɗa, a ma a dəba a lakar a bolon a ta nda dzəɗa.

Bolon a mbeɗa a ba kamala koɗumsara na a de nda dzəɗa ŋa ya. A da nda kəsa, a ndzah div mal manja a mbulum ma.

Bolon a ta ŋa a da a gəza mbulom. Ga mburma Kəsapat ta ndza ɗiɗik ɗiɗik. Ta pəra a bolon ta a de a hulɓok. Bolon a pəts a gəza mbulom a dzeye ɗim a ba, ta ngatar tsa.

Tiy tiy. Zama tsə ka, duwa a ɓazla mba tsa. I dəba ŋa ya tsara ka, gəza mbulom a ndza herre kamala slewze ya. Duk a ta ŋa ka, pat, pat Aku.

Ko weke a biɗ gir a ma, a ma ge imer ngar.

Ataa Ankra a da a yaha bakweti na a gəsawa dar kilef. Gabzla mefite ta zla medele tar a ma da a dala.
Gaza leko kini ta bara ba tar a ma de a lekol. Ga məkes ta paɗa suŋe tar a petek a ma da a kwaskwa.

Pat ka mara a Kəsapat a, pat na Aku a mədəra ya.
I dəba ŋa ya ka, pat ngeɗ a dəv...