Ɓaa sen hɛrɛs lɛ ti wur po ha̧a̧. Barge po wɔo ɓɔꞌge, Jag wɔɔ de Do, woo ti'ti sir po boŋ, wɔo sɛ la buy de wa̧y ɓɛ.

Á woo diŋ hȩȩre pɛ.

Ni pam, ti wur po, wa̧y ma ni Jag huugo.

A ya̧a̧ge doo ar ɓɛ Do mo maa teege ɓɛ.

De maaga Jag raw liŋ ni lay som, a daꞌ yɛr ga bikɔɗma Do han ne hɛn bay too no waa. A ti jɛŋ Do ma ngaɓge ɓen ne hɛn, ma wii fuggi ɓil doo ɓɛ.

Do bay de sa̧y laa mo po ti meꞌe waa lay. Bay wa, bay wa, a nen po ga Jag mo fɛr bikɔrɗɔ maaga a hay ya̧a̧le ti ŋgel ni.

ɗɛŋ ŋgel maaga Jag mo joŋ ne kay bay nen
ɓɛ waa lay. A man ga sɛ fɛr woo ti tii pale maa kooge ga tí sɛ yo̧o̧ bikɔrdɔ lɛ go ni yaw la. A kiɗ go ti ŋgel buy, a ma sɛ la daꞌge ga buy. 
De ɓo ge ti
ɓen go mo kay, A yaa ga sɛ fɛr buŋ tii pale go tikriŋ. A diŋ ŋgel ge sɛ
may ! gofɔr wa̧y ɓen bay ni waa so lay !

Go de jar jag jili de lawge, Jag fɛr liŋ ni ɓe. De maaga a age liŋ ɓe som kay, a koo way de bikɔrɗɔ maaga sɛ hay kiɗge ɓe jag ɓɛ.
A laa sug wa̧y ɓe de wa̧a̧ ge ne hɛn ga : « way se ho̧o̧ diŋ je ya̧a̧ mo ge go. »
Jag man bikɔrɗɔ , fɛr de ɓɛ ne Do a maa a daw way wo doo ɓɛ.

Way pa ta̧a̧ ra laa ti jɛŋ Jag, a kay ne de maaga a raw felegge mono.
Jag man ndo bay ɗeege ɓɛ ga « way » waa so a maa « Mutumishi », da wa̧a̧ge ga « je joŋre » de jag ɓɛ.
Go de iggi debaŋ, á hay woo jam de ɛl sɛ ka̧a̧ra. Jag lay Do fɛr woo kol ge barge.

Ti wur po, Do hay de re nay ti, a maa a bay de way maa kayge ɓɛ felegge waa. A raw daa bar ɓɛ Jag lay wii ne ga a mo haa way ɓen ne sɛ ɗaa.
Jag ha̧a̧ je pɛɛle ɓen bay yo̧ ti. A raw Do ga a mo ɗen ga « way » wa a ma « Mutumishi ».

Do sèe de Mutumishi go ti ŋgel buy wer ɓɛ. Mo maaga a wii ne hɛn ga a joŋ ne, Mutumishi joŋ.
A ɓɔ Mutumishi felegge joo kó. Do go ɓil de friigi ti joŋre pɛɛle ɓɛ no.

Ti wur po, joo kó, Mutumishi yee nɛn go. Do yee ne go ! A ɗee ne : «Mutumishi ! Mutumishi ! Ndo gen ? »
Blam ŋgel sen go no ha̧a̧, a gay go doo ɗeege ɓɛ, de so̧o̧ge jiili a waa : «way sɛn raw de dɔg jag debaŋ ɓɔ ! » De ŋgar ŋgel sen mbaŋ mo kay Mutumishi naa nen lɛ lay raw wa̧a̧ : «Ndo ɗee me «way »! Ndi raw wɛ ! » Se raw ráwge.

Do fɛr lɛ liŋ ɓɛ bay Mutumishi. A raw ɓɔ sug bar ɓɛ Jag ga « je pɛɛle » sen yee go.
Jag bay go ɓil fee waa. A wa̧a̧ ne Do ga a ale de «je pɛɛle » sen ne sɛ.
A maa Do hay ka̧a̧ ma daꞌge ɓe le ti boŋ gal ay ha̧a̧ ti wur ga Do kol diŋ je pɛɛle Jag.