Bunty tana son wasa da kwari.

Da kuma tsuntsaye.

Tana kuma son wasa da jirgin takarda.

Sannan tana son gina gidan kasa.

Idan Bunty ta koma gida, sai mamanta ta ce mata ta je ta yi wanka.

Amma Bunty ba za ta yi ba.

Sai Bunty tai ta ihu tana cewa, "Na tsani sabulu!"

Watarana sai Bunty tai mafarki da kwayoyin cuta sun zagaye ta suna cizonta.

Kwayoyin cutar su kai ta cizonta, Bunty ta ruga da gudu tana kuka tana neman taimako.

Kwatsam, sai ga katon Sabulu ya zo ya ce, "Kada ki ji tsoro Bunty." Sai ya saka kananan sabulai su je su kori kwayoyin cuta.

Rundunar kananan sabulan nan suka kori kwayoyin cuta gaba dayansu.

Tun daga ranar Bunty take son yin wanka, ta wanke baki, sannan ta tsaftace duka jikinta.