Asaa ana ênnê îbûbûranierik anyanya itua îbôrê. Iha abotie jihosi ajiŋana.

Ifiyo abaranî abatak jio ijiara ojiŋak itua bôrê. Iha abatak ajiŋana.

Ifî abaranî allioto-êfahanî jio ijiara abak abatak anîa. Iha allioto anîa.

Iha buo fê êêma-efiriwa asuahio allioto-êfahanî ta amesio hallioto-êfahanî.

Amesio buo fê aarî-elibo abaranî tê êhara honyi êtadunyio êêma-efiriwa.

Ifî abaranî anîa êêtêŋ-esujo jio ijiara iwwosok aarî-elibo.

Ajio êêtêŋ-esujio jio, "Alô nî lûŋa iwwosonia aarî-elibo. Ebuoto nî."

Aluaha aarî-elibo, "Hêmat nanî. Hôrrê alô nî îtadûny êêma-efiriwa."

Iwiwoŋita êêma-efiriwa, "Obeŋ, ittalik iyye. Alô nî isuak allioto-êfahanî."

Aluaha allioto-êfahanî, "Aii, hesuak anî. Hôrrê alô nî îbak abatak anîa."

Ijôrîa abatak bêbê bêbê. "Hêbak nanî, hôrrê alô nî ijiŋana itua bôrê."

Anîa, attatî abatak anîa ijiŋana itua bôrê êttê iferioro.