Document

Ŋkar yà, yà ŋwɛ̀bbàa

Smangaliso Molebale

Thulani Mhlanga

À m ba à nfèꞌ moꞌ, à toꞌ Mfàlɛlɛ̀, muu nsùnsù moꞌ à ba ce e m ce cu a yì ta ba yì ma àfo.

Muu nsùnsù ca à m ce yuꞌne nè yì ma ba yì ta ker ba nè bèe wɛɛwɛ ce à toꞌ anà.

Li rli li m ba enɛ Tabo Màlobà.

Mnòŋ mondɛ̀ a mnòŋ ntàꞌtè à toꞌ anà àmbò boo cě àfo a tami nyor à skul ce nfèꞌ rlʉ̀shì enjer ŋgàa ca kaꞌ mî.

À kaꞌ ba nyʉ̀ moꞌ, Tabo à kaꞌ ce dù skul a tarte a muu mòꞌ ce a m ce too enɛ Spâk. Wowèe a kaꞌ ce dù a ce suŋ yàp buu a koo ŋkar.

Spak à m ce rè bkòr à nfèꞌ wɛɛwɛ, a ce waashi bèe mòꞌ a ce jepsi skûl. E m ba ŋwɛ̌ mbebep ce e m ce màꞌ kàŋ a ce yuꞌ rbòŋ à rba a bèe bbebep moꞌ wèe.

Spak à m lorni yɛɛnè se a kupse ndèe Tabo. Tabo à m ce kòŋ enɛ bèe a ce yɛ ye àmbò ŋwɛ̀ ce e gòꞌsi kaꞌ a kɛꞌ a ce gèe ŋgèe bebep àmbò Spâk.

Tabo a lo a kʉti à ŋwɛ̌ mbàŋsi mmir a ker ce yuꞌne nè yì ta ba yì ma ker ba bèe moꞌ ce e m ce yuꞌne nè wowèe foŋ nà kaꞌ.

E m kʉti à noŋkoo a ba yuu cicì. E m kʉti a noŋkoo a ker ce fyɛꞌ à yi tu kaꞌ.

Awɛ, Tabo à m bèŋger à ŋwɛ̀ cicì a koo byaŋ ese bbyèŋge. E m coni se a beeŋger à ncěrvʉ̀ nè Spak a ker koŋ à rba ŋkar yì kaꞌ.

Tàr ba ma yì Tabo a cep Tabo enɛ e du mbe ndap mcɛ̀p yǐ ŋkɛꞌ koni mcɛ̀p. E kaꞌ kone mcɛ̀p anà a ba à ndèe.

Tabo à kwaꞌshi àmbò li rcuu. E m yɛ enɛ e m koo ŋkar a ŋwɛ̀bbàa.

E kɛꞌ a ce fàꞌ ba à yi skul a war rfòosì ese yì ta ba yì ma ker ba bèe ce a m ce yɛꞌni ye.

Bsɛ̀ bi m koo Spak à ndèe mbòŋmboŋ ce Tabo à m tʉr.

Geewaꞌa, zhì ndèe à m lɛꞌse ye e kwaꞌshì à rkupsè ba ŋwɛ̀ nyɛɛnì.

You are free to download, copy, translate or adapt this story and use the illustrations as long as you attribute in the following way:

Ŋkar yà, yà ŋwɛ̀bbàa

Author - Smangaliso Molebale
Translation - Ngah Samson
Illustration - Thulani Mhlanga
Language - Limbùm
Level - Longer paragraphs

© African Storybook Initiative 2017
Creative Commons: Attribution 4.0
Source www.africanstorybook.org
Original source This story was selected as one of the 7 winning stories from the Writing in your mother tongue writing competition partnership between Saulsville Library and the African Storybook Initiative.