M ce bɛ̀ɛŋger mɛnɛ ŋwɛ̀ mòꞌ ker ba àmbò mɛ̀ à dǐꞌ moꞌ enjep ŋgòŋ na lɛ.
Ce e feesi mɛ̀ lɛ.
A ku ce deꞌ àmbò mɛ̀ e ke deꞌ lɛ.
A ŋwaŋte àmbò mɛ̀ lɛ.
Ŋwɛ̀ ce e ku tʉr mmir ba btùꞌ àmbò mɛ̀ wa a.
Ŋwɛ̀ ce e ke vʉ̀shi foŋ àmbò mɛ̀ a.
Ŋwɛ̀ ce àdeꞌ e gee yuu ce à tà m gee a.
Ŋwɛ̀ ce àdeꞌ yuu ce à tà m gee kaꞌ e gee kaꞌ a.
Mɛ̀ fyɛꞌ a ker fyɛꞌ à bdìꞌ wɛɛwɛ a yɛ ŋwɛ̀ ce e ku ba àmbò mɛ̀ kaꞌ. Mɛ̀ m dù mbà pak a fyɛꞌ mbe njì bce.
Mɛ̀ m fyɛꞌ a kaari a fyɛꞌ mbekì, a fyɛꞌ njepnshè.
À bsii ŋwɛ̀ wɛɛwɛ.
Mɛ̀ keꞌ yɛ ŋwɛ̀ moꞌ àmbò mɛ̀ kaꞌ à dǐꞌ fɛ kaꞌ.
M ku ba njep ŋgòŋ na mamŋgiꞌ! M yuu ya jɛɛ. Ɛ̀no yi yu mini waꞌa!
Geewaꞌa ku ba mɛ càꞌcàꞌ kaꞌ, àmbò wèe à yɛ waꞌa? Ku ba ŋwɛ̀ mòꞌsir efa wèe!
