Koloŋ ŋote a yeyeju tu i ꞌyöꞌyu na kinaser nanyit, Yapa. Yapa gwoloŋ I lele swot lo ꞌdiko.

"Nan de yiyite ꞌdeꞌde," Koloŋ na jambu ko ꞌdikolo.

Koloŋ ko tutu, a merya suluji radan kapisa nakwe.

Köbuŋöt gwe i rerenya ko kaden.

Kaden aje woran, a lopeŋat raddi koropo kase kak a bur i piritön liŋ.

ꞌDiko suluji rerenya, a worani a namurye.

ꞌDikolo ko meddi kine liŋ, a gwe a yuran.

A lepeŋat suluji gwien, ko ŋolitan jore.

A Kak ꞌbukuluŋ ꞌdire ꞌdirön ko pioŋ.

A i lele swöt lo ꞌdiko yu, Koloŋ yeyeji köꞌyu kiŋaser, a ꞌbiji kiŋaser nagon a Yapa adi tinate a nu iti mede.

Ko memeddya Koloŋ, a ꞌdiko gwe a lyöŋön parik a lepeŋ löpuggi a naꞌbule.

A merya jupuni kwelen na minyo lose loŋem.

A köbuŋöt iti i doto.

A kaden ŋorji kenia kase ko nyola.

A ꞌdikolo gwe a lyöŋön parik i meddya na Koloŋ köti.

A lepeŋat reyara kaŋo bibiryeeji.

Jore ti nyomot loꞌdiꞌdik a punun kaŋo i kujöŋ, kulya adi, "Waa."

A kak liŋ uŋgö ŋaun.

Koloŋ ŋote suluji loja i kak ꞌbukuluŋ.

"Nan a takin ta adi nan de yiyite," lepeŋ na pararaji.