Lele jur köju kata nyona ko tör.

Nene ꞌdiet siꞌda i ŋilu jur. Karin kanyit a Apai.

Money Apai köju a kalokanit lo somot lo kukwön. Lepeŋ kata ko kiꞌbo loꞌdit loket lo somot.

Apai nya nyar tu i logga na somot se ko money lonyit.

Apai k;öti nyanyar meddya ŋwajik lyan ko birye kura lo mokot.

"Ti nan biryeni ko ta," lepeŋ na moꞌyu ŋwajik lyan kulo.

Ŋwajik lyan a kweni, "Iti ti biryeni ꞌdana ko pujö ta ko ŋwajik wate."

A ŋwajik wate kulyani ko Apai adi, "Mokosi kulök a lojo parik." Apai gwe a yuran.

Kirut temba i waran, Apai pokin i gwoja i koloŋ.

A koloŋ gwe a ju nanyit.

Lor lele, koloŋ ako nyerun. Sokoro ako sira. Kwen ako yolo. Ŋwajik ako tu i sukulu. A maꞌdi money ako tu i logga na somot.

Apai gwe a yuran, adi. "Niya ju nio koloŋ? Nyo nagon kak gwon a mude i lo lor?"

Apai a takin kulye ŋwajik kulo, konyo nagon nye gwon a yuran. Ama se kweni ko lepeŋ, adi, "Kode ŋona ju inot koloŋ, aje twan. A kode lepeŋ aje wökön a köꞌyi do."

Apai gwe a yuran parik a nu wöki kadi.

A lepeŋ nu gwoji kura lo luŋaser parik.

A Apai yeyeji adi, "Nan de gwon i birye ko lo kura teŋ ko ju nio koloŋ a yite."

A Apai tindi kura kak a yeyeji adi, "Nan bubulö birye gwoso kilu ŋwajik."

Lepeŋ kirut uŋg gwo kura parik. Kura a ꞌdaadu ki parik teŋ ko i ꞌdikolo narwök.

Ŋadi geleŋ dirje ki. A kura likiyörö ki i ꞌdikoko narwök.

Kak liŋ a yiŋa adi mit.

Madaŋ naꞌdit, a ꞌdikolo rekirekin. A koloŋ na puku. A ŋo liŋ yitökine i pirit.

A ŋadi geleŋ poki i kondya na kitajin nanyit ti perok liŋ.

Apai ako yub adi koloŋ de yiyite bot i meta. Ama ko kine liŋ, koloŋ a yitöki bot i gwiliŋit lonyit.

A lepeŋ takindye ŋwajik adi, "Ju nio koloŋ, aje yite bot."