Nkafu, nkafu, mp'a marhà!

Moo, moo, hûna bwînja!

Nkafu, nkafu, osimisibwé mpunyire a marhà!

Ntyô, gâga hôfi o kunywa.

Kwokwo mwira!

Ngoko, ngoko, mp'a majì.

Koo, Koo, hûna bwînja!

Chikerwé, chikerwé, nyigiriz'oku nuga!

Nanga Atu, hûna bwînja.

Chikerwé, chikerwé, ndézire mpûnyire o nyigiriz'oku nuga!

Ntyô Atu, rhunuge haguma! Kwokwo mwira!

Chihwihwî, chihwihwî, ndunda erhi onali e nyuma!

Nanga Atu, hûna bwînja!

Chihwihwî, chihwihwî, osimîsibwé ontunde erhi onali e nyuma!

Ntyô Atu, shagalukira ômu sumbelé! Kwokwo mwira!

I Kinga, i Kinga, mpêka hitya.

Ngrii, ngrii, hûna bwînja!

I Kinga, i Kinga nani ndézire mpûnyire o mpêke hitya.

Ntyô Atu, Shona kwô. Kwokwo mwira.

Bûsi, bûsi, hinva mulindyé!

Nyau, nyau, hûna bwînja!

Bûsi, bûsi, biku simîsé o hinve mulindyé?

Mulindyé, rheng'ahô Atu akuyôbohire!

Kwokwo mwira!

Mpene, mpene, mpêk'ekà!

Meh, meh, hûna bwînja.

Mpene, mpene, osimîsibw'o mpêk'ekà!

Ntyô Atu, shoner'aha mugôngo. Kwokwo mwira!

Atu, Atu, rhuhêk'e Lala Land.

Nanda mwira, hûna bwînja!

Atu, Atu, osimîsibwé rhuhûnyire o rhuhêk'e Lala Land.

Ntyô, nâmu hêka! Rhushârhe lusiku lwoshi n'ôku lind'o budufu.

Rhuka ígal'a masu o munywêra ngulube gwa îshi ruhêk'e Lala Land.

Âlagì, gwôgula!

Rugêndag'i Lala Land!