Adut ee nyan ye guɔ̈p adhɛ̈ŋ.

Rör ë bɛ̈n ee baai dɛɛnë aake yuïc ye bïk thiaak, ku kë tɔ̈ thïn, aake cïï Adut ke rɛɛc kedhiɛ.

Aköl ë ɣɛɛc ë käŋ tënë ɣɔɔc, go monydɛ̈. Kuɔ̈l deen tënë monydɛ̈, ku kök tënë monydɛ̈, ku guɔ̈p tënë mony ye rör diäk.

Go ee mony ë ka ken cë deen jäl döt kedhiɛ, ku jɔl nhom tääu ë ke nhïïm, ku jɔl lɔ tëde ɣɛɛc ë käŋ.

Mony kän ee yuïc Adut arëët bë dhiilë thiɛ̈ɛ̈k. Go Adut puɔ̈u miɛt ë të ye tiɛ̈ŋ guɔ̈pde. Jɔl Adut yuïc bë jäl tɔ̈ ke ye.

Monyë ee bɔ̈ ë pen mec, ku acïï Adut ŋuun bë dhuk ke ye.

Wën jɔl Adut ke mony ë cath lɔ pande, go ran ë nɔŋ kuɔ̈l kake dhuɔ̈k ye. Ku ran ë nɔŋ kök ka ke dhuɔ̈k ye, ku jɔl yaa thökde.

Go ran ë nɔŋ guɔ̈p, guɔ̈p de dhuɔ̈k ye.

Ee nhom ye tök yen ëcë jäl döŋ, ku jɔl nhom lɔ tueŋ ë cäth. Adut acë jäl riööc, ku kë tɔ̈ thïn, akëc bɛ̈në kɔt wei.

Gokï jäl ɣëët panë nhom.

ɣɔn nhiäkdur, arɛ̈k akëc nhom lɔ duɔɔmde, go jam kekë Areu lueel, "Të yuïc Adut bë kat, ke yï koth ë tuŋë yic bë ɣa lɛ̈k."

Wën cïï nhom jääl, go Adut kake nap. Ë tɛ̈ɛ̈n, jɔl gɔl bë jäl kɔt wei.

Tïŋ Areu Adut ke kat, Go Areu lueel, "Nhom, nhom, Adut ayuïc bë kɔt wei."

Ke Areu koth tuŋ.

Go nhom lɔ tënë Adut ku yöök, "Ye tëno ye tak bïn lɔ thïn?"

Go Adut dhuk ɣönë nhom.

Ë tɛ̈ɛ̈n, go Adut tiɛ̈t thiëëc ëkë bë looi.

Go tiɛ̈t lɛ̈k Adut, "Lɔɔr ɣɔc abïk cïï kuɔ̈t nɔŋic akuem. Yiɛ̈kë yic mök ë rak, ku ciɛɛrë ke ë tuŋ Areu yic."

Adut acë ka cïï lɛ̈k ye ëtiɛ̈t looi. Acë abïk cïï kuɔ̈t akuem yiɛ̈kic mök ku ciir ë tuŋic.

Aköl buɔth akölë cök, go Adut ka ke nap ku jɔl bɛr gɔl bë kɔt wei.

Na wën löm Areu tuŋ ku jɔl yuïc bë kooth, go abïk miit cïï kuɔ̈t nɔŋic akuem lɔ Areu thok.

Areu acë bɛ̈n ë cam, ku ciɛ̈m, ku ciɛ̈m.

Ku cë Adut kɔt wei.