Alizumba gahindili shɛli ni, ka Yusuf ba daa daŋ yibu m-mali shili poi ka biɛɣu naan neei. Ka o ye o wɔri liiga ziɣinli ka pili o zipil' vakahali din limsiri o tiba la. Ka gahi o bia nuu n-chɛbisi o.

Yusuf nina neeya kasi Papa ni ti yɛli, "Zuŋɔ n-nye dabisili shɛli n ni yɛn gbaai zahim ka ʒi pini mali a na yiŋa."

Zahim nyɛla pini? Oh, bo n-yɛn nyɛ li? Papa bari o cheche n-chani Muizenberg Kuliga ni. Fiiko fiiko ka cheche maa kuli kumda hali ni Surfer's ŋmaligili.

ŋmana yiɣiri zuɣusaa. "Booo? Booo? Booo?" ka bɛ kumda. "Bo ka a yɛn ʒi m-mali Yusuf na?" Papa ŋmɛri o bɛlli. "Guli ti nya di ni yɛn nye binshɛɣu!"

Zahim gbahiriba nay wuntaŋa ni yirina. Bɛ vihi bɛ lansi. Kɛ vihi bɛ ŋariŋ maʒina. Bɛ gbilisi tibili wum pohim ʒebu. Bɛ vooi bɛ ŋarima ti niŋ kom maa ni.

Yusuf yabidoo, Oupa Salie daa nyɛla zahim gbahir biiŋa. Pɔi ni ŋuna, o ba Oupagrootjie Ridwaan gba daa mi teeku maa pam.

Ŋariŋ maa nyɛla din kpe kopalisi maa ni. Papa teei o nuu gbaai ŋariŋ maa saɣivuli. Ka zaŋ o naba banzali di luɣa ni. Ka o nyingobaa vonvo, ka o yaanga gba darita.

Papa yiini yila ka tumda: bahimi vilinga. Bomi zahim. Vooima, miri ka a zani.

Biɛɣu zaa ka Yusuf kuli yuuni zuɣusaa. Di kuli niɛmi ka pohim kpeeni bi ʒɛra. Zimbila mini pini! Bo ka Papa yɛn ʒi m-malina teeku maa ni?

Saha shɛŋa o ʒirila gingalinyɔɣ' viɛlli malina. Saha shɛŋa o ʒirila koliba gahindili kopalisi ni paɣi bahina.

Saha shɛŋa bɛni, Yusuf ba ʒirila salinli na. Kamani saha shɛli bɛ ni daa nya ŋmeensi kuligi duli, ka kompalsi ʒi bɛ pam na nti bahi.

"Booo? Booo? Booo?" ŋmana maa kuhira. "Bo ka a yɛn niŋ n-sɔŋ ŋmeensi maa?"

Papa yɛliya, "Ti faai lala ŋmeensi maa m-bahi. Ti zaŋ ba labisi teeku maa ni, bɛ zaasa."

Saha kam Papa ʒirila yila na. O yiini la yila maa ka vooiri ŋariŋ maʒina maa. O yiini la yila maa ka vooiri laŋ maa. O yiini la yila maa ka bahiri gabisi maa.

O yiini la yila maa ka bari cheche kuni yiŋa.

Ouma Safiya borila zahim karili zaɣ' dozim ni o zaŋ di o yuŋ bindirigu. "Amaa ti ni niŋ saha di yi niŋ ka bɛ gbaai hali naasanjɛrigu bila gba. A yi bi tilinda, di kuli yɛn nyɛla Alizumba dali zahim zuli. Zahima bi lahi yaɣi lala teeku ni," Ouma yɛra ka viini o zuɣu.

Yusuf gbaai Ouma nuu. Bɛ baai yaɣi palli n-kpa ko' suri duri maa polo.

"Booo? Booo?" ŋmana ban tam chamsi zuɣu kumda. "Bo ka ti yɛn di yuŋ ŋɔ?"

Yuuni la kulipalinim' ŋɔ mini kpatoonsi daa zabiya, n-tahi taba zuɣu ka tu taba zaa.

"Booo? Booo?" ŋmana maa kumda.

"Teeku maa galisiya n-ti sokam," Yusuf ba yɛliya. O zaŋ zahingbahibo shɛhira gbaŋ din nye Oupa Salie dini n-wuhi.

"Kopalisi zaŋ ti sokam. Kom din nye yoli."

Ouma Safiya yuuni o baanakulas ni, m-maai o maŋa n-yuuna. Zahin' kara peempeem kumda.

Koduɣiriba maa guui labi tankpaɣu maa ni n-ti kpuɣi bɛ boduwanima. Kulipalinima maa gba kabina kuliga duli na. Bɛ yee bɛ liiganima sa' yuɣiyuɣi maa ni.

"Booo?" Booo?" Booo?" ŋmana maa kumda. "Bo ka Yusuf ba yɛn ʒina kuliga maa ni?"

Yusuf ba ni o bapira ni o dachɛhi vuhiya fuu ka vooi. Bɛ gbaala zahim titali. O kuli damdila o maŋa.

Yusuf ba vuligi laŋ maa ka yiini yila.

Zahim maa ni ti kuli faai saha shɛli maa ka o duɣi kom maa labi kopalisi maa ni ka che zahim titali ŋun zuli nye dozim la ko n-niŋ laŋ maa ni.

Dabba maa vooi ŋariŋ maa ka vuli mihi maa. Kurugu din nye zaɣ' piɛlli gbaai Papa nuu.

"Booo?" Whaat?" Whaaat?" ŋmana maa kumda. "Zahim karili nyini ka m mali ni n ti m bia." Yiŋa, Yusuf wuɣi o pini zuɣusaa n wuhi saŋmarisi.