Ka letsatsi le lengwe mme a reka maungo a a farologaneng.

"Re tla fiwa leng maungo?" ra botsa.

"Re tla ja maungo maitsiboa," ga rialo mme.

Nkgonne Rahim o megagaru.

O latswitse maungo otlhe. O jele a mantsi thata.

"Bona gore Rahim o dirile eng!" ga goeletsa mmotlana.

"Rahim ga a na tsebe ebile o megagaru," ka rialo.

Mme o ne a kwatetse Rahim.

Le rona re ne re kwatetse Rahim.

Fela Rahim o ne a sa ikwatlhaye.

"A o ile go otlhaya Rahim?" ga botsa mmotlana.

"Rahim, o tloga o ikwatlhaya," ga kgalema mme.

Rahim a simolola go sa ikutlwe sentle.

"Mala a me a botlhoko," ga sebaseba Rahim.

Mme o ne a itse gore ke eng Rahim a lwala.

"Maungo a otlhaya Rahim," a ithaya jalo.

Morago, Rahim a re re mo itshwarele. "Ke ka se tlhole ke nna megagaru gape," a solofetsa.

Re a mo dumela.