Nchima yanarhigâna e ngôna ôku burhâmbi ly'e nyanja.

Yadosa e ngôna, "Ngahi o lama?"

E ngôna yamushuza erhi, "Omu nyanja."

E ngôna yayidôsa mpu, "Nâwe ngahi olama?

E nchima yashuza erhi, "Ôku mirhi."

E ngôna yalonza o kumanyûsa e nchima. Yayidôsa mpu, "Ka wânahasha wayogôga?"

"Ntankahasha." Kwo e nchima yashuzizé.

E ngôna yaderha mpu, "Naku igirizà."

E ngôna yaderha, "Rhwono rhukolaga bîra. Orhayôbohe."

E ngôna yaderha, "Muyomba alwazire. Achifuinjire e nyama lyo afuma."

E nchima yayôboha bwenene.

Chikwône, k'e ngôna ya yilya?

E nchima yalonza o kufuma e ngôna.

E nchima yagerêreza e ntanya nyinja.

"Narhula o murhima gwâni omuhé," kwo e nchima yalagânyizé.

"Chikwône o murhima gwâni guli oku murhi."

Kwo e nchima yadesire.

E ngôna erhi, "Ka wâlerha o murhima gwâwe?"

E nchima yamushuza mpu, "Nechi."

E ngôna yayôga kurhenga omu mishi.

E nchima yalibirhira oku mirhi.

"Woyo orhali mwira wâni."

Kwo e ngôna yadesire.

"Rhurhali bira. Walilonzizé oku ndyà."

Kwo e nchima yamushuzizé.