Ubushiku bumo, bamaama baalishitile ifitwalo ifyalekana lekana.

"Ninshita nshi twalalya ifitwalo?" efyo twaipwishe.

"Twalalya ifitwalo munshita yacungulo," efyalandile bamaama.

Umukalamba wandi Musonda muulili, aliila ukulepuka.

Acisonda ifitwalo fyonse. Acilyapo ifingi.

"Moneni ifyo Musonda acitile!" efyapundile umwaice wandi.

"Musonda wamiponto elyo na ukuitemwa," efyo nalandile

Bamaama baalifulilwe Musonda.

Bonse twalifulilwe Musonda.

Lelo Musonda talangulwike pafyo acitile.

"Bushe mwalamupanika Musonda?" efyaipwishe umwaice wakwe.

"Musonda, walalanguluka nombaline pafyo ucitile," efyasokele bamaama.

Musonda atampile ukumfwa uwalwala.

"Mu mala mulekalipa," efyatootooseshe Musonda.

Bamaama baalishibe umulandu Musonda alwalile.

"Ifitwalo filemupanika Musonda," efyo batontonkenye.

Napanuma Musonda aalilombele ubwelelo. "Nshakabwekeshepo nakabili pabulili bwandi," efyo alaile.

Twalisumina mufyo aalandile.