Run ti ŋuan tëë ci wä, ya̱a̱k ci buɔth kɛ näk. Kɛ ɣöö tëë piny kɛ rɛɛth, cu mäni böwni, kɛnɛ rɔɔm kä cua ɣɔ̱k ɣöth gua̱thni kɔ̱kiɛn. Ya̱a̱k cukɛ duɔth ni baaŋ ɛ thiɛlɛ mi camkɛ.

Yak kɛl rɛydiɛn cuɛ wee i̱, "Rɛy ciɛŋädan, kɔn la cam kɔnɛ ɛni mi ri̱ŋ. Nɛnɛ jɛ, kɛn pua̱a̱r tɔ̱tɔ̱ riŋkɛ."

Kɛ pɛ̈th ɛlɔ̱ŋ, kɛn ya̱a̱k diaal cua guic ni nhial kä cuɛ pua̱a̱r nɛn jälkɛ nhial.

Ɛn yak in di̱i̱tdiɛn cuɛ wee, "Ɛ yak in bum ni jɛn cuŋ piny kä bi ramɔ kɔt jɔɔk raamɔ kamnikɔn kɛ̈l kɛ̈ɛ̈li. Kɔn banɛ kɔt amäni ni ɣöö kɔn canɛ cop ni rɛy pua̱a̱ri."

Kɛn cua mat piny kä cuɛ köt tok jio̱knikiɛn kɛ̈l kɛ̈ɛ̈l.

Kɛ kɔrɛ mëë ci yak in jɔakdiɛn kɔt, ɛn yak in te piny cuɛ car ni ɣöö ya̱a̱k tin kɔ̱kiɛn cikɛ mi̱eth ku thuŋ tok.

Cieŋni mëë, kɛn ya̱a̱k /kenkɛ cop rɛy pua̱a̱ri.

Ɛn yak in bum ni jɛn cuɛ cio̱kdɛ luaŋ kä cuɛ rɔ riet kui̱c caam. Duɔthkiɛn tin kɔ̱ŋ cukɛ pɛn piny kɛ kui̱c cuëëc ni kɛndiaal.