Mëëdan tëëkɛ kuɔ̱ɔ̱n da̱ŋ rɛw ti määth.

Kun kɛl cieŋɛ dɔɔr.

Kä kun in dɔ̱ŋ ciɛŋɛ ni ciëŋ.

Cäŋ kɛl, cu kun in ciɛŋ ni ciëŋ kun in cieŋ dɔɔr jiök i̱, "Ji̱n la cami ni ti jiäk, kä la tɔ̱ci gua̱th mi jiääk kä la lua̱nykɛ ji̱ ɛ nhiaal."

Kä kɔn la tɔ̱ɔ̱c nɛy duel kua̱r. Kä la mi̱th nɛy kɛ mi̱i̱th ti ŋuan. Bër kä biɛ lɛ wä nɛn.

Cu kun in cieŋ dɔɔr wee i̱, "Ɣän bä me̱t ben ɛn wääri. Cä rɔdä rialikä."

Kä cu gua̱n ciëŋ ŋɔ̱a̱ŋ. Cuɛ wee i̱, "Kɛn kuɔ̱ɔ̱n ti̱ti̱ la camkɛ kuändä ti, ci kɛn ɛ bi nyɔk, bi kɛnɛ nɛn!"

Cuɛ kɛ dɛp kɛ kam. Cuɛ thoker la̱th thuok kamä.

Cu kuɔ̱ɔ̱n cop dueel. "Bä kɛn ben mi̱th kɛ kuan tin cuɔmcuɔm tin gɔw tin kɔɔn."

Kä kɛn jälkɛ kɛ mi dɔalkɛ to̱o̱k i̱, "Cucu ci̱ci̱ cɛcɛ!"

Mëë cikɛ cop guäth in ca kɛ dɛp thi̱n kɛ thoker, cu kun in ciɛŋ ni ciëŋ wee i̱, "A kɔanä met ɛ ɣän ɛn thoker ɛmɛ. Biɛ kulɛ nɛn ɛn cuomcuom ɛla cam nɛyɛ mɔ."

Kä ɛ ŋuot /kän kun thoker ni bil, cu kam ɛ käp ɛ kup, tak!

Cu kam ɛ kääp cɛ ni widɛ, kä cu wäŋkɛ käny raar ce̱tkɛ dɛy bandhorä.

Cu kun in cieŋ dɔɔr ɛ guic, kä cuɛ ga̱a̱y ɛlɔ̱ŋ.

Cuɛ wee i̱, "Ɣëy ɣëë! Mäthdä, kä ɛ mi tetdi la cam kɛ mɔ ɛ bi nyin ran käny raar inɛ mɔ?"

Kä /ken kun in ciɛŋ ni ciëŋ ɛ luoc.

Cu kun in cieŋ dɔɔr kun in ciɛŋ ni ciëŋ ba̱ny piny kä cuɛ wee i̱, "Ɣaa! Nyinkun ti gɔw ɛ ti la camkɛ ɛ bi nyin ran käny raar inɛ mɛ /ka̱nɛ ŋa̱c i̱ dëë me̱t te rɛydiɛn."

Dhɔɔru mi jiääk gɔaa ni jɛn kä dhɔr määthdu mi gɔaa.