Kɛ kɔr runi tëë ci wä, Cäŋ kɛnɛ Pi̱ cikɛ kɔnɛ mäth. Kɛn cieŋkɛ wi̱i̱ muɔ̱ɔ̱n kɛɛl.

Cäŋ la gui̱i̱lɛ Pi̱ ni ciaŋ ɛlɔ̱ŋ, ɛni ɣöö /ken Pi̱ Cäŋ met gui̱l.

Pi̱ cua loc i̱ ɛ kui̱c kä ɣöö dhɔr Ca̱ŋ kuiyɛ.

"Ɣän mi cakɔ ben kɔnɛ ji̱ gɔaalä, dee nɛy yɛ lɔak raar," jɛn cuɛ lat.

Kä cu Pi̱ wee i̱, "Mi gööri ɣöö bä ji̱ gui̱l, lätni gua̱a̱th mi di̱i̱t. Ɣän ta̱a̱ kɛ nɛy ti ŋuan, kä kɛn, ba duël tɔ̱ɔ̱yä ti ŋuan go̱r."

Cäŋ cuɛ loc dhɔɔrɛ kä ciekdɛ, Pay, cuɛ lor ni kɛ duɔɔth. Cäŋ cuɛ la̱r Pay ɛn min cɛ yac rɔ kä cɛ la̱t Pi̱.

Mëë ruɔ̱ndɛ, jɛn cuɛ tok lätdɛ cieŋ mi di̱i̱t kɛ kui̱ rɔmä määthä diɛn thi̱n.

Niɛ wa̱nɔ mëë ci ciëŋ thuɔ̱k kɛ lätni, cuɛ Pi̱ thiec kɛ ɣöö dëë gui̱l.

Mëë ci Pi̱ cop, jɛn Cäŋ cuɛ thiec ɛn ɣöö mi bɛ thiɛl riɛk kɛ cothdɛ rɛc.

Cu Cäŋ ɛ loc, "Ji̱öö kiɛ ɣää, bia rɛc, määthadiɛn."

Pi̱ cua ri̱i̱ŋ rɛc tok.

Ɛ na̱a̱m kɛ jɛ ɛ nyäŋ, rɛc, guëëk, kuɛt, thɔ̱ɔ̱l, luëëk, näär-muɔ̱ɔ̱ni, mieeri kɛnɛ ley yiëër diaal.

Kɛ pɛ̈th cu Pi̱ peek muɔ̱ɔ̱li. Jɛn cuɛ Cäŋ thiec i̱, "Ŋotdɛ thiɛlɛ riɛk."

Cu Cäŋ ɛ nyɔk kɛ luɔ̱c, "Ɣää." Pi̱ cukɛ cu ben rɛc ɛlɔ̱ŋ.

Pi̱ cukɛ räth ni gua̱a̱th mi cop ŋuäk nath. Jɛn cuɛ Cäŋ thiec, "Dee nɛy ben rɛc ɛ ŋuan?"

Cu Cäŋ ɛ loc, "Ɣää!"

Pi̱ cukɛ ben rɛc, amäni mëë Cäŋ kɛnɛ cukɛ rɔ wä jek ni wi̱i̱ duëël kiɛ nikä kum duëël.

Cäŋ kɛnɛ Pay cua kɛ kuɔ̱k ɣöö cukɛ copni nhial. Kɛn cua cu ciɛŋ ni nhial niɛ wa̱nɔ.