Tuut bärɛ, kä ɛ dho̱o̱l mi ci̱w kä tekä bok 3.

Jɛn la nhɔkɛ laath ko̱tdä mi bärbär mëë ca ka̱m jɛ ɛ näärɛ ni Cuɔɔl.

Kä gua̱a̱th mi ca duelgɔ̱rä gäk, Tuut la wëë yieen ɣɔ̱ɔ̱kiɛn.

Cäŋ kɛl, Tuut mëë tëë yien ɣɔ̱ɔ̱k, cuɛ nhiaal tok kɛ wuɔc piny.

Niɛ wa̱nɔ mɔ, yaŋ in nhɔk gua̱n ni jɛ, Cäär, cuɛ dieth.

Kɛ dɔw mi gɔaa ɛlɔ̱ŋ ɛlɔ̱ŋ mi /ken Tuut ɛ met nɛn ni wal.

Tuut cu lɔcdɛ tɛɛth ɛlɔ̱ŋ kɛ juëcdɛ kɛ Cäär kɛnɛ dɔwdɛ kä cuɛ tha̱a̱ŋ ɣɔ̱ɔ̱k tin kɔ̱kiɛn pa̱l ruëëc.

Jɛn cuɛ car ni ɣöö, "Gua̱a̱r cɛ rɔ yac i̱ bɛ ɣä ka̱m dɔw mi wëë wa̱a̱ ŋuɔ̱ɔ̱t."

Rɛy cärädɛ nɔmɔ, cuɛ jakä bum ɛ bɛ tetkɛ kap nhial, Tuut cuɛ näärɛ ni Cuɔɔl nɛn, kä cuɛ duŋ ɣɔ̱ɔ̱k tim, "Nääran, ɣɔ̱k ɛ ni?"

Näärɛ ni Tut cuɛ loc, "Muɔɔr cɛ ɣɔ̱k diaal yian ɛ cikɛ wä luaak, ci duɔthni ji̱n yɛnɛ Cäär.

"Jɛn cɛ diɛɛr bä, kä cɛ ɣä ja̱k kɛ göru."

Tuut cuɛ lɔcdɛ tɛɛth kɛ lärɛ näärɛ i̱ ci Cäär dieth kɛ dɔw mi gɔaa ɛlɔ̱ŋ.

Cu näärɛ wee, "Ɣän bä kɔ̱a̱l kap, kä bia ɣä guɔ̱ɔ̱r yɛnɛ Cäär."

Nɛy diaal cu lo̱ckiɛn tɛɛth mëë ca Tuut nɛn kɛnɛ kɔ̱a̱l ɛ puɔl pua̱nykiɛn.

Tuut cuɛ gua̱n thiec, "Ji̱n bi ɣä ka̱m dɔw yaaŋ ce̱tkɛ mëë ci lar?"

"Ɣää, gatdä, jɛn ɛ duŋdu ni kärɔa. Ɛn yäc ɛni ya̱c."