Tëëkɛ ciek mi di̱i̱t mi cieŋ kä rɔɔadɛ rɛy wi̱lɛkä. Kä la diɛrɛ ɛlɔ̱ŋ ni ciaŋ.

Kɛ cäŋ kɛl, cu buuk bën kɛ gëkdɛ kä cuɛ jɛ nɛn ɛn ɣöö jiek lɔcdɛ ɛlɔ̱ŋ.

Cu buuk cuɔ̱ŋ kä cuɛ ciek thiec, "Ɛŋu la riɛk ɔ? Kä ɛŋu mɛ ci lɔcdu jiääk inɛ mɛ?"

Kä cu ciek ɛ luoc i̱, "Ɣän cä cuuc kɛ ciaaŋ rɛy wi̱lɛkä."

Cu buuk ɛ jiök i̱, "Jiɛc rɔ kä pat tetku nikä rɛɛw kä ri̱tni rɔ nikä diɔ̱k."

Kɛ kɔr kä mëë cɛ tɔ̱tɔ̱ la̱t, cu mandi̱t rɔɔdɛ wä jek ni rɛy duëël mi tɔt.

Kä kɛ kɔr ni̱ni ti tɔt cu buuk luny jɔk kä cuɛ mandi̱t leni jek ŋuot lɔcdɛ kɛ mi /cɛ tɛth.

Cu buuk ɛ thiec i̱, "Ɛŋu ci jiek ɛn täämɛ? Ɛŋu ci lɔcdu leni jiek ɔ?"

Cu mandi̱t ɛ jiök i̱, "Duel ɛmɛ kui̱yɛ ɛlɔ̱ŋ. /Ci ɣän jɛ nhɔk."

Cu buuk ɛ jiök i̱, "Jiɛc rɔ kä pat tetku nikä rɛɛw kä ri̱tni rɔ nikä diɔ̱k."

Mëë ci mandi̱t kɛ la̱t, cuɛ rɔɔdɛ wä jek rɛy duëël mi di̱i̱t.

Kä cu buuk mandi̱t ben gui̱l ɛ nyɔk. Cuɛ jek ŋuotdɛ /ci lɔcdɛ tɛth kä ŋɛ̈nyɛ.

Cu buuk ɛ nyɔk nikɛ thiec i̱, "Ɛŋu ci rɔ nyɔk kɛ tuɔk ɔ mandi̱t?"

Cu mandi̱t ɛ luoc i̱, "Duel ɛmɛ cuolɛ kä jiek rɛydɛ."

Cu buuk mandi̱t jiök i̱, "Jiɛc rɔ kä pat tetku nikä rɛɛw kä ri̱tni rɔ nikä diɔ̱k."

Kä kɛ kɔr kä mëë ci mandi̱t tɔ̱tɔ̱ la̱t, cuɛ rɔɔdɛ wä jek ni rɛy wi̱lɛkä ɛ nyɔk.

/Ken mandi̱t puɔ̱th in cɛ jek nɛn.

Cuɛ luoc ni rɛy wi̱lɛkädɛ mëë cieŋɛ thi̱n kärɔa kä cu lɔcdɛ ŋuot kɛ jieek.