Nɛy ti ŋuan rɛy wec ɛmɛ la cieŋkɛ canä mëëdan.

Kuääriɛn ni Koang cuɛ kɛ com i̱, "Görɛ ria̱ŋ piny muɔ̱ɔ̱n." Duŋdɛ ɣöö /kenɛ cop lɔcdiɛn, kä /ka̱n rie̱e̱tkɛ käp.

Cuɛ tekɛ dhɔl mi duŋ tiit mi cɔalkɛ i̱ Ko̱r mi cieŋ rɛy wec ɛmɛ. Ko̱r la kääpɛ diit ti ŋuan. Jɛn la camɛ dit ni kɛɛliwdɛ. Jɛn räthɛ ni mi̱th cueny kɛnɛ ci̱i̱nkɛ.

Cäŋ kɛl Ko̱r cuɛ guk käp wi̱i̱ jiaath. Mëë ci guk ɛ nɛn ca käp, cuɛ wak kɛ jɔw, "Mäthdä, pälni ɣä i̱kä, ɣän tee kɛ mi ro̱ŋ kɛ ɣöö dee ŋa̱c mi bä la̱r ji."

Ko̱r cuɛ wee, "Lärni jɛ ɣä. Kɛ kɔrɛ bä ji̱ ku cam!"

Cu guk ruac kä biɛlɛ min lɔw wäkɛ mi luɔɔcɛ rɔ kɛ mi yiel-luaal. "Jak ni ɣä kä wä wi̱i̱ jiaath ɛ mi, kɛ kɔrɛ bä ji̱ la̱t ti ŋuan."

Cu Ko̱r guk päl kä barɛ rɔ wi̱i̱ jiaath. Mëë cɛ cop ɛn wi̱ni, cuɛ dɔl ni Ko̱r. Cu guk ciöt, "Ria̱ŋ tëë rɛydäää!"

Ko̱r cuɛ thiec, "Ɛŋu mi latdi?" Cu guk ɛ loc i̱, "Rɛydä ɛ da̱a̱p." "Jin ci dɔ̱r ɛn ɣöö ci ɣä pa̱l wä. Ci ria̱ŋ mi di̱i̱t pa̱l wä." Cu guk ca̱r Köör ya̱r.

Kä cu dit ŋɔaani ti ce̱tkɛ da̱a̱pni yuɔr piny. Cuɛ räth wi̱i̱ jiaath mi bäär. Cu Ko̱r cu coth ni piny ge̱kä jiaath in dan.

Cuɛ ji̱ wec cɔl, "Bia kɛ ɣä kɛɛl, kɔndiaal banɛ ria̱ŋ wä wät piny."

Cu määni walɛ, Ko̱r kɛnɛ ji wecdiɛn ŋotkɛ wa̱tkɛ piny kɛ gör da̱a̱pä.

Kä Guk rɔmɛ ni kiet thi̱n wi̱i̱ jiaath i̱, "Ria̱ŋ tëë rɛydäää!"