Mëëdan, rɛy ciëŋ dhɔr mi cɔal i̱ Rupca̱a̱r, tekɛ wut mi cɔali̱ Gatluaak.

Gatluaak nhɔkɛ mi̱eth ɛlɔ̱ŋ. Jɛn la nhɔkɛ ni ɣöö bɛ camni ri̱ŋ.

Kɛ cäŋ kɛl, cu kuäär wec nɛy diaal cɔal buul kuën gatdɛ.

Kɛ kɔrɛ, cu Gatluaak nɛy ti kɔ̱kiɛn liŋ ruackɛ kɛ kui kuën dɔ̱diɛn. Jɛn thia̱kɛ kɛ wec mi cɔaal kɛ jɛ i̱ Wecluaal.

"Buɔ̱l da̱ŋ rɛw kɛ cäŋ kɛl kɛn diaal." Cu Gatluaak ku ca̱a̱r.

Gatluak cuɛ ca̱r kärɔadɛ, "Ɣän bä wä thi̱n gua̱thni kiɛndiaal. Ɣän kɛ nhiam bä wä Wicluaal, kä kɛ kɔrɛ bä kulɛ wä Rupca̱a̱r."

Gatluaak ke̱e̱r nikɛ runwaŋ kä cuɛ wä Wicluaal. Jɛn mëë cɛ cop cuɛ kuan nɛn ŋotdɛ kualɛ riali̱kɛ ikä. Gatluaak mɛk ni ɣöö.

"Ɣän bä wä Rupca̱a̱r kɛ nhiam, bä kulɛ wä lunyjɔk wa̱nɛmɛ ni yɔɔ."

Gatluaak cuɛ loc Rupca̱a̱r kɛ ŋa̱thdɛ i̱ dɔ̱ŋ bɛ ri̱ŋ jek cɛ tuak. Jɛn niɛ wa̱nɔ ci buɔthɛ näk ɛlɔ̱ŋ.

Duŋni ɣöö mëë cɛ cop, cuɛ naath jek ŋotkɛ rialkɛ ni kuan i̱kä.

Gatluaak cuɛ ca̱r, "Ɣän min jianä mindan Wicluaal kualɛ tok ni tha̱t. Diɛwä jɛ i̱ cikɛ tuak kɛn kuaan ɛn täämɛ."

Gatluaak cuɛ loc Wicluaal bä. Jɛn niɛ wa̱nɔ ci buɔthɛ näk ɛlɔ̱ŋ.

Niɛ gua̱a̱th ɛmɔ cu Gatluaak rɔ wä jek ni Wi̱cluaal ɛ jekɛ naath cikɛ mi̱th. Ja̱a̱l wakɛ mi thöpkɛ ni kaw kɛnɛ kueen muc.

Gatluaak /cuɛ thilɛ muc mi derɛ thöp. Jɛn mëë go̱o̱rɛ ɛ mi̱eth kärɔa.

Gatluaak cu lɔcdɛ jiääk ɛ nëë ɛlɔ̱ŋ kɛ kui̱c kä ɣöö cɛ kuän dak. Jɛn cuɛ mɛkni ɣöö bɛ loc Rupca̱a̱r.

Jɛn cucɛ kä näk buɔthɛ kä cuɛ jal ni niɛy-niɛy ɛlɔ̱ŋ.

Jɛn mëë cɛ cop Rupca̱a̱r, cuɛ naath jek tekɛ ki̱tdä kä räwkɛ. Kɛn ca mi̱th diaal thuŋ cam ni wän kiɛ mindan!

Jɛn mëë cuɛ liŋ i̱ thilɛ ɣɔw kuän, Gatluaak cuɛ muɔn. Kɛ ɣöö Jɛn cɛ kuan ŋa̱a̱ri̱ diaal dak.

Jɛn mëë cɛ ɣɔ̱r, cuɛ madidɛ mi tɔt jek rɛy yo̱mä!

Gatluaak cuɛ loc cieŋ ɛ nyɔk, kä ŋotdɛ näk buɔthɛ.