Mëëdan tëëkɛ dɛy deet da̱ŋ ŋuaan ti cieŋ kɛɛl kɛ mandiɛn dhɔɔriɛn.

Cu mandiɛn jiɛɛn wëë kä thuk, kä cuɛ kɛ jiök i̱, "Cuarɛ ram mi dɔ̱ŋ lep thi̱i̱k, bia lɛp ɛ ci bën ni puɔ̱nydä," cuɛ gaatkɛ guɔk.

Kä ɛn guäth ɛmɔ, te wan li̱ŋ gekä duëël, liŋɛ min ci mandiɛn ɛ la̱r kɛ. Cu wan ben thok duëël kä cuɛ jiök i̱, "Dɛykä, lɛ̈pɛ thi̱i̱k ɛ ɣän mandun."

Cu dɔw dɛ̈ɛ̈l kɛl ɛ luoc i̱, "Ɣëy, nɔmɔ /ciɛ jɛn jɔw maara, Jɔw maara kuiyɛ." Kä cu wan gaak.

Cuɛ rɔɔdɛ moc kɛ ca̱p, cɛ go̱r i̱ bi̱i̱ jɔwdɛ ca̱a̱t ce̱tkɛ jɔw mandeet. Jɛn cuɛ jɛ go̱r i̱ bɛ liɛɛth cam.

Jɛn cuɛ wä kä gua̱n thuɔk luaak. "Moc ɣä kɛ liɛɛth, kiɛ bä ji̱ näk." Cu wan gua̱n thuɔk luaak dua̱c dual inɔ.

Jɛn gua̱n thuɔk luaak cuɛ liɛɛth thöp wan.

Cu wan wä kä dɛy deet kä cuɛ jɛ lar, "Dɛykä, lɛ̈pɛ thi̱i̱k." Dɔw kɛl cuɛ guic kɛ kuil thi̱ekä kä cuɛ ci̱o̱o̱k wan nɛn ɛ mi ca̱r.

"Ɣëy, cuɛ wak! Ciök maara kɛ ti luaal." /Kenɛ rɔ luɔ̱t wan.

Wan cuɛ ca̱r kɛ duɔ̱ɔ̱p dɔ̱diɛn. Ɛn guäth ɛmɔ cuɛ guic ni ɣöö bɛ ciökɛ bil kɛ nup citɛth.

Cuɛ wä kä guäär citɛth. "Moc ɣä kɛ nup citɛth, kiɛ bä cam ni ji̱." Jɛn cuɛ jɛ dua̱c dual inɔ.

Cu guäär citɛth nup citɛ̈th thöp.

Wan cuɛ ciök kɛ bil kɛ nup. Jɛn cuɛ wä dueel kä dɛy deet kä cuɛ jɛ lar, "Dɛykä, lɛ̈pɛ thi̱i̱k."

Kɛn dɛy deet cua thi̱i̱k lɛp. Cu wan dɛy deet da̱ŋ diɔ̱k roc.

Cu ŋuaan dɛɛni rɔ tɛ̱̈ɛ̱̈.

Cu mandiɛn luny jɔk kä thuk. Cuɛ jɛ lar, "Dɛykä, ɣän cä ben. Lɛ̈pɛ thi̱i̱k."

Dɔw ɛ ŋuaandiɛn cɛ dual ɛlɔ̱ŋ ɛ /kenɛ mandiɛn luäŋ kɛ le̱p thi̱i̱k.

Mëë cɛ thiɛl dɔw kɛl kä kɛ mi ci thi̱i̱k lɛp, cu mandeet kuɛt ni thi̱i̱k kɛ lëpdɛ. Jɛn cuɛ dɛykɛ cɔl.

Cu dɔw ɛ ŋuaandiɛn ben raar gua̱a̱th in cɛ rɔ wä tɛ̱̈ɛ̱̈ thi̱n. Cu man ɛ thiec, "Kä tha̱a̱ŋkun ɛ ni?"

Cuɛ jɛ loc kä lathɛ jɛ i̱, "Ci wan kɛ roc kɛn tha̱a̱ŋ kɔ!"

Mëë tekɛ jäl cu kɛn wan nɛn tëë ni̱n.

Kä cu mandiɛn rɔ ti̱ec thiekä waan. Cuɛ jiööth dɛɛnikɛ liŋ jiic waan.

"No̱o̱ŋni ɣä reet mi moth kɛ kɛ̈ɛ̈t amäni lipɛ," cu mandiɛn ciöt.

Cu mandiɛn jic wan rɛ̈t kɛ reet kä cuɛ dɛykɛ da̱ŋ di̱ɔ̱k jek thi̱n.

Cuɛ jic waan piek pääm kä cuɛ jɛ kɔc thi̱n. Kä cuɛ dɛykɛ diaal luɔc cieŋdiɛn.

Mëë ci wan keer, cuɛ jɛ jek bumɛ ɛn ɣöö bɛ jiɛɛn.

Cuɛ jɛ ɣɔ̱n i̱ bɛ maath pi̱i̱ni kiɛɛr, duŋdɛ ni ɣöö /kenɛ rɔ luäŋ kɛ ɣöö bɛ cuɔ̱ŋ. Cu wan pɛ̈n rɛy pi̱i̱ni kä cuɛ cu mua.