Nyabuay ɛ guar nyaal mi puɔl ce̱tni kɛ jiɔm.

Jɛn nhɔkɛ ɣöö bɛ to̱k dɔl, ni ciaŋ la ɣɔ̱nɛ jɛ ɛlɔ̱ŋ ɛn ɣöö bɛ ŋɔaani tin ca la̱rɛ la̱t.

Cäŋ kɛl, Nyabuay cuɛ wä kɛɛl kɛ man kɛnɛ gua̱n kɛ gör tɔɔŋni.

Nyabuay nhɔkɛ ɣöö bɛ man kɛnɛ gua̱n luäk, duŋdɛ ɣöö lät di̱tdɛ kä tin guicɛ ŋuan kɛ ɛlɔ̱ŋ.

Tëëkɛ diit, kɛ gɔakni kɛnɛ puɔ̱ɔ̱r nhial!

Cu man wee, "Nyabuay, liŋ ɣä! Ji̱n go̱rni tɔɔŋ gua̱a̱th ɛmɛ kɛnɛ thɔ̱ŋɛ mi̱i̱.

"Duŋdɛ ɣöö Nyabuay, guicɛ in gua̱th wi̱ thi̱n kä tit rɔ."

Jɛn cuɛ loc, "Gɔaaɛ ma."

Kɛ kɔrɛ man Nyabuay kɛnɛ gua̱n cu teni wuɔ̱thkiɛn rɛy la̱t ɛlɔ̱ŋ.

Kɛn cua tɔɔŋ ti dhökdhöök jek.

Kɛn cua tɔɔŋ ti ciɛwciɛɛw jek.

Nyabuay bä te wi̱cdɛ ni tɔɔŋni.

Jɛn cuɛ tɔɔŋ ti ciɛwciɛɛw jek.

Jɛn cuɛ tɔɔŋ ti ciɛwciɛɛw ɛlɔ̱ŋ jek.

Niɛ wa̱nɔ Nyabuay cuɛ nhial liɛc.

Cuɛ dit mi dɛ̈ɛ̈r nɛn rɛy juaacni ti ba̱rba̱a̱r.

Kɛ kɔrɛ, Nyabuay cuɛ piny liɛc.

Cuɛ muarmuar nɛn rɛy duɔ̱p.

Nyabuay cuɛ ji̱th jiaath mi tekɛ lɔ̱ɔ̱l nɛn. Ɛn ji̱th jiaath riaŋɛ kä ɛ mi tɔ̱c.

Jɛn cuɛ yiatdɛ kɛl kuëŋ wi̱i̱ ji̱thä jiaath in tekɛ lɔ̱ɔ̱l.

Nyabuay cuɛ wee, "Nɛmɛ /cɛ cäätkɛ ji̱th jiaath."

Kɛ pɛ̈th, ɛn ji̱th jiaath cuɛ rɔɔdɛ wany. Nyabuay cuɛ wee, "Mɛmɛ /ciɛ ji̱th jiaath. Nɛmɛ ɛ thɔ̱l mi tɔ̱c!"

Nyabuay cuɛ wak, "Ayööw!"

Jɛn cuɛ kɛ riŋkɛ pɛ̈th kɛ gör man kɛnɛ gua̱n.

Nyabuay cuɛ gua̱n nɛn kä wakɛ, "Ɛ thɔ̱l! Ɛ thɔ̱l!"

Gua̱n cuɛ wee i̱, "Ja nikä? Ja nikä?"

Nyabuay cuɛ wee i̱, "Wi̱nɛ mi! Wi̱nɛ mi!"

Kɛ kɔrɛ cu gua̱n thɔ̱l ɛ tɔ̱c ɛmɔ joc kɛ kɛɛt.

Ɛn thɔ̱l in tɔ̱c ɛmɔ cuɛ rɔɔdɛ cu bar.

Gua̱n cuɛ wee, "Ji̱n ci kään can wä kä muɔɔr kä biɛ wä la̱t duŋ thɔ̱a̱lbelä."

Cu man wee, "Ci lɔcdä tɛɛth kɛ ɣöö /kenɛ ji̱ kac ɛn thɔ̱lbelä ɛ."

Duŋdɛ mi wëë rɔɔdɛ loc, "Ji̱n, guic gua̱th in wi̱i̱ thi̱n. Kä bi rɔ cu tit ɛlɔ̱ŋ."

Nɔmɔ cuɛ cua̱ jɛn thuɔ̱k dɛ.