Nyadak kɛnɛ cieŋmani cieŋkɛ kä Juba, ɛ rɛk mi la but ji̱kɛ cuŋä kɛ la̱t rɛy Jinub Thuda̱n. Nyadak të kä kilɛ̈th 3.

Jɛn tëëkɛ lɔc mi gɔaa kä pɛlɛ.

Nyadak nhɔkɛ ley. Jɛn tëëkɛ nyaaw, kɛ manpalɛ̈kni da̱ŋ rɛw, kɛ dɛl kɛnɛ guuk.

Jɛn naŋɛ pek mi bäär kɛɛl kɛ ley, mi̱thɛ kɛ, kä ŋarɛ kɛ kɛ.

Cäŋ kɛl, Nyadak wëë kɛ mi ŋarɛ rɛy duëlgɔ̱rä kɛnɛ mäthnikɛ.

Jɛn cuɛ nɛn ɛn ɣöö tëkɛ tha̱ŋ gan ti bökɛ guɔ̱kni kɛ pääm. Cuɛ rɔɔdɛ thiec i̱, "Ɛŋu mi bökɛ guɔ̱kni mɔ?"

Cuɛ ŋar päl kä cuɛ riŋ kä gaat tin bökɛ guɔ̱kni kɛ dööl kiɛ pääm.

Kɛ nhiam ken mäthnikɛ jɛ liŋ ɛn min ci tuɔɔk, cu kɛn ɛ guɔ̱ɔ̱r.

Cuɛ yɔal i̱, "Pa̱lɛ yori päämni!"

Kɛn gaat ɛ tɔ̱ cuarɔ̱ bar.

Nyadak cuɛ guɔ̱kni da̱ŋ rɛw tin ca moc buɔ̱ɔ̱t käp. Cɛ buɔ̱ɔ̱t nɛn gɔ̱knikiɛn.

Cuɛ guɔ̱kni da̱ŋ rɛw tin kɔn naŋ cieŋ kɛ ɣöö bɛ kɛ wä tit.

Jɛn cuɛ guɔ̱kni mi̱eeth. Kɛ thiaŋ jɛn cuɛ la̱r diëëthkɛ ɛn ɣöö cɛ guɔ̱kni kän.

Kɛ runwaŋ, Nyadak kɛnɛ diëëthkɛ cukɛ wä duel wal leyni kɛ ɣöö ba guɔ̱kni wä moc kɛ wal.

Kɛ kɔr ni̱ni ti tɔt, cu guɔ̱kni buɔ̱ɔ̱tkiɛn puɔl. Cu Nyadak lɔcdɛ tɛɛth ɛlɔ̱ŋ.

Nyadak ni ciaŋ la lätdɛ jɛ mäthnikɛ ɛn ɣöö, "Ɣän nhɔakɛ ley. Ley luäkɛ kɔn kɛ mäthnikɔn. Kɛ kui̱c ɛmɔ bi kɔn kɛ dhil gaŋ kä banɛ kɛ yop."