Tekɛ cuɛ̈ɛ̈k da̱ŋ rɛw ti cieŋ kɛɛl, Guɔ̱r kɛnɛ Rɔw.

Kɛ cäŋ kɛl cu riɛk ben kä cuɛ kɛ jiök i̱ bia rɔ mëk kɛl kä rɛw, "Bia rɔ moc cio̱o̱r kiɛ dhɔɔp."

Rɔw go̱rɛ ɣöö bɛ pɛ̈l. Kɛ pɛ̈th, cuɛ mɛk ni dhɔp, kɛ ɣöö bɛ kulɛ ŋot kɛ mi gui̱cɛ. Kä Guɔ̱r cuɛ mɛk ni cio̱o̱r.

Cu Rɔw la dho̱o̱l mi ŋɛnynyɛny kɛ ɣöö tëkɛ dhɔp. Cu cio̱o̱r Guɔ̱r jakä ram mi tëë kɛ li̱ep bitdä. Guɔ̱r go̱rɛ luäk duŋdɛ ɣöö cu Rɔw ɛ ciɛŋ ɛ jiäk.

Kɛ kɔrɛ, cu Guɔ̱r kɛɛt mi jak jɛ kä bum jek. Ɛn kɛɛt ɛmɔ jak ɛ jɛ kä jäl. Cukɛ rɔ̱ mua̱thmua̱th kɛnɛ kɛɛtdɛ ɛn Guɔ̱r. Ɛn kɛɛt gaŋɛ Guɔ̱r kä ji̱ tɛ̈rɛ.

Kɛ ɣöö cɛ Rɔw yɛt tetni kɛnɛ yɛt ciöknikɛ ŋuɔ̱k, jɛn go̱o̱rɛ luäk. Cu Guɔ̱r jɛ luäk.

Mëë ca kuän nööŋ, cu Rɔw ɛ go̱r ɛn ɣöö bi Guɔ̱r kuän jɔam tetdɛ min thil yɛt. Ɛn Rɔw /ci lɔcdɛ tɛth.

Kɛ cäŋ kɛl, kɛ runwaŋ, cu mandiɛn kɛ tha̱l manbɛɛkni. Kɛ ɣöö ci buɔth kɛ näk ɛlɔ̱ŋ, kɛn dhɔɔl /ken kɛn manbɛɛkni li̱ep ɣöö bikɛ kɔ̱a̱c.

Cu Rɔw yɛtkɛ diaal guk kä cukɛ ce̱tkɛ tuɔk mieth. Cuɛ wee, "Jɔmni pekdä wanɛmɛ."

Ɛn manbɛk lethɛ ɛlɔ̱ŋ ɛ cuɛ pa̱a̱t tetnikɛ waŋ. Cu Rɔw tetkɛ tɛ̈ŋ kɛ ɣöö bi pa̱a̱t tetnikɛ kɔ̱c. Cu manbɛk pɛn piny rɛy litdä.

Cu Guɔ̱r manbɛkdɛ gua̱a̱l tetnikɛ, kä /kenɛ pɛn piny. Cu Rɔw lɔcdɛ jiääk.

"Ɣa̱! Luäk ɣä kɛ manbɛkdä," cu Rɔw Guɔ̱r thiec.

"Ɣän /cä jɛ nɛn," cu Guɔ̱r ɛ loc. "Kämni ɣä tëtdu, bɛ nyuɔ̱th ji̱," cu Rɔw jɛ loc.

Cu Guɔ̱r manbɛk jek, kä cuɛ liɛtdɛ kuɔth jɔ̱ɔ̱r. Cuɛ jɛ ka̱m Rɔw.

Kɛ thiaŋ, cu mandiɛn kɛ moc manbɛk mi ca ŋuɔ̱k kɛɛl kɛ dhon ri̱i̱ŋ da̱ŋ ŋuaan. Cu Guɔ̱r dhon ri̱i̱ŋ thiap kɛ pɛ̈th, kä cuɛ kɛ kuɛn kɛ yɛtkɛ.

/Ken Rɔw tekɛ ŋäc ɛn ɣöö ca dhon ri̱i̱ŋ kuɛn ɛ Guɔ̱r.

Cu Rɔw ɛ ɣɔ̱n kɛ mi kualɛ dhuɔn ri̱eŋ, duŋdɛ ɣöö cuɛ pɛ̈ɛ̈n. Mëë ci gua̱th in ba camni ri̱ŋ cop, cu Guɔ̱r wee, "Kɛn dhon ri̱i̱ŋ /cikɛ ŋuaan ɛ nin?"

Rɔw cuɛ kackac i̱, "Kɛ diɔ̱k." Guɔ̱r cuɛ gam thi̱n i̱, "Kɛ ŋuaan." Rɔw cuɛ Guɔ̱r jiök, "Ɛ ji̱n cɔr ɛ puc?"

Kɛ cäŋ kɛl, ci buɔthkɛ näk, kä te mandiɛn jɔ̱ɔ̱r. Rɔw cuɛ Guɔ̱r jiök i̱, "Wanɛ ŋar kɛ ɣöö ban buɔth pa̱l ruëëc."

Cu Guɔ̱r ɛ nhɔk, Rɔw cuɛ wee i̱, "Wanɛ kɛt yieer." Kä ŋäcɛ jɛ ɛn ɣöö Guɔ̱r kui̱cɛ kët. Go̱rɛ ɣöö bi däman wä mua. Guɔ̱r kɛnɛ kɛɛtdɛ cukɛ te kɔɔr Rɔa.

Min tekɛ jäl, cu Rɔw coth rɛy ruɔ̱ɔ̱p. Cuɛ do̱l mi di̱i̱t kuany, cuɛ jɛ kɔat rɔ̱ɔ̱thdɛ. Kä nho̱o̱kɛ rɔ kɛ kapdɛ nhiaal. Cuɛ ŋot kɛ mi nho̱o̱kɛ rɔɔdɛ amäni mëë wäkɛ yieer.

Cu Guɔ̱r ɛ thiec, "Ɛŋu mi nho̱o̱ki rɔ kɛ jɛ." Cu Guɔ̱r Kɛɛt thiec.

Mëë cikɛ cop yieer, cu Rɔw wee i̱, "Bi kɔn kacni ɣän yieer kɛ nhiam, kɛ kɔrɛ bi cu luäk kɛ kët."

Cuɛ rɔ jakä na̱n kɛ Guɔ̱r. Cuɛ do̱lɛ kap nhial, kä cuɛ jɛ yuɔr yieer.

"Ɛn jɔw ɛmɔ kuiyɛ ɛlɔ̱ŋ. Jɛn /ciɛ Rɔw ɛn min ci rɔ yuɔr yieer," cu Kɛɛt jɛ mua̱th Guɔ̱r.

Cu Guɔ̱r Kɛɛt thiec kɛ ɣöö ba la̱t ti ŋuan. Cuɛ ŋot kɛ mi yi̱i̱thɛ Kɛɛt. Cu Kɛɛt, cuɛ Rɔw yɔ̱t ɛ bɛc. Cu Rɔw wak, "Wa̱a̱y! Kä cuɛ rɔ yuɔr piny."

Cu Kɛɛt in tekɛ wal Rɔw loc ɛ la ley yiëër. Kä cuɛ Guɔ̱r jakä ley raar, cu Kɛɛt rɔ loc ni luth Gua̱r.