Mëëdan, Yak kɛnɛ Muul cieŋ kɛ gekä ciëŋ mi thiääk kɛ rɛ̈ɛ̈k.

Cukɛ röm ɛ gäc kä cukɛ la mäthni.

Cu kɛn car ciɛɛŋä mat piny ɛn ɣöö bi kɛn la nyue̱k kɛɛl, kä bi kɛn rɔɔdiɛn gaŋ kɛɛl.

Kä cu kɛn ŋɔak diaal a lät kɛɛl.

Cu kɛn ɛ tok amäni ɣöö cieŋ kɛn kɛɛl.

Kɛ cäŋ kɛl, cukɛ wä thok yiëër wäkɛ maath kɛ pi̱.

Mëë tekɛ dup, jäl kɛ muɔŋ kä dɔalkɛ to̱k.

Mëë cikɛ cop thok yiëër, cu Muul wä wi̱i̱ lo̱o̱nyä kä cuɛ wä maath thi̱n.

Kä cu Yak maath tuk lo̱o̱nyä.

Kɛ gua̱a̱th mi tɔt, cu Yak rɔɔdɛ ka̱p cuɔ̱ŋ mäth.

Cuɛ duɔ̱r cak. Cuɛ Muul jiök i̱, "Ɛŋu tuupi pi̱ ɔ?"

Cu Muul biɛt nikɛ biɛtdɛ kä wä ni jɛn kɛ mi mäth jɛn.

Kä cu Yak kɛ̈c.

"Ji̱n /ci li̱ŋ? Ruac ni ɣän kɛ ji̱, Muul." Cu Yak kac nhial kɛ jɔw mi di̱i̱t.

Cu Muul Yak di̱el guec kä cuɛ loc i̱, "Ɛ winith ci pi̱ kɔn jiɛɛnɔ kä päl löny ɛ ba löny lor ɛ kɛn?"

Kä cu Yak ɛ loc i̱, "Kɛn pi̱ ca löny pay lor ɛ kɛn ni kɛ cäŋ ëë ci kɔn määth tok."

Cuɛ go̱r ɛn ɣöö bɛ Muul cam.

Mëë ci Muul ɛ guic ɛn ɣöö cɛ thiɛl lua̱ŋ, cuɛ wee i̱, "Ɛ duerä kɛ ɣöö ci guic ɛla määthdä. Cɛ gɔaa, cam ni ɣä."

Cu Yak rɔ yuɔ̱r Muul kä cuɛ tööl piny.