Mëëdan, nyaawni kɛnɛ kuɔ̱ ɔ̱ n kɛ mäth. Kɛn la ŋarkɛ kä lätkɛ kɛɛl.

Nyaawni cikɛ kuɛɛn kä kuɔ̱ ɔ̱ n, kä kuɔ̱ ɔ̱ n cikɛ kuɛɛn kɛ nyaawni, cieŋkɛ kɛ tɛ̈ th lɔaac.

Duŋdɛ ɣöö, kɛ kɔrɛ, kɛn kuɔ̱ɔ̱n cukɛ diɛɛr. "Tha̱a̱ŋ ji̱ maarädan cikɛ bath. Kɛn a nikä?" "Ɣän cä jääny /ka̱n näärä met nɛn," cu kun kɛl ɛ lar.

"Kä /ka̱n maalen met nɛn," cua lat ɛ kun dɔ̱diɛn. "Nyimaar /cɛ lɛ ŋot thi̱n," ɛ kun in diɔ̱ɔ̱kdiɛn. "Kä dämaar tëë nikä?" latdɛ kun in ŋuaandiɛn.

Kä cu kun in dɔaaŋ wi̱cdɛ tiŋ ɛ gui̱cɛ kɛ gak.

Jɛn cuɛ wee, "Ɣän tëëkɛ läär jiɛthä lɔaac mi la̱rä yɛ. Kɛn nyaawni ti̱ti̱ camkɛ kɔn. Kɔn banɛ rɔ dhil tit. Cikɛ thia̱k kɛ ca̱mdan kɔndiaal."

Kɛn kuɔ̱ɔ̱n cukɛ dual ɛlɔ̱ŋ.

Cu mani gan gaatkiɛn jiök i̱, "Yɛn tiɛtdɛ rɔ. /Cuarɛ wä raar. Kɛn nyaawni ba yɛ ka̱p."

Kɛn kuɔ̱ɔ̱n diaal cuarɔ̱ ku pay tit.

Cukɛ cua̱ te rɛy kɔ̱a̱knikiɛn. Kɛn /ca wä raar lɛ go̱r.

Niɛ gua̱a̱th ɛmɔ, kɛn nyaawni diɛɛrkɛ bä. Cukɛ wee i̱, "Kä kuɔ̱ɔ̱n diaal cikɛ wä ni? Buɔth näkɛ kɔn. Kä/ thilɛ mi canɛ jek mi dëë kulɛ cam."

Cu nyaaw in di̱i̱t wee, "Ɣäni ca rɔ̱ tɔ̱w kɛ kɔn. Banɛ kɛ kulɛ käp i̱di?"

Nyaaw dɔ̱diɛn cuɛ wee, "Kɔn wanɛ wä, kɛ gui̱l mi banɛ riali bul ikä. Kɔn banɛ kɛ wä thiec i̱ nyam kɛl kä yɛ ba kuɛnɛ gat kɛl kä nɛy. Kɛ ɣöö bi ri̱ŋ mi di̱i̱t te thi̱n bikɛ ben raar kɛn diaal. Kɔn banɛ kɛ cu käp niɛ gua̱a̱th mɔ ni kɛn diaal. Kɛn bikɛ cua̱ ri̱ŋkɔn ti ro̱ŋ kɛ kɔn!"

Cu nyaawni dial tin kɔ̱kiɛn wee, "Ɛ ca̱r mi gɔaa ɛlɔ̱ŋ."

Ɛ nyɔk bä, cu nyaawni di̱tkiɛn jäkä kuɔ̱ɔ̱n.

Cua kuɔ̱ɔ̱n jiök i̱, "Muɔcɛ nɛy kɛ nyal mi kuɛɛn nɛyɛ kä nyieekun. Kɔn go̱o̱r nɛy ɣöö ba ciek kɛl kä gaatkɔ."

Kä kuɔ̱ɔ̱n cukɛ ŋɛ̈ɛ̈r ɛlɔ̱ŋ. Cukɛ wee i̱, "Kɔn /ci nɛy yɛ ŋäth. Go̱o̱r yɛni ɣöö bia nɛy cam."

Kä cu nyaawni ɛ loc i̱, "Ɣëy! Ɣëy! Kɔn lot nɛy ni jɛ ɛ puc ɛ puc ɛn gör määthädun. Jɛn ɛ thuɔ̱k, kɛ gua̱a̱th ci wä, tha̱a̱ŋda ca tha̱a̱ŋdun cam. Duŋni ɣöö ɛn tämɛ ba̱kɔ yi̱k päl. Kɔn /ca̱kɔ yɛ bi cam ɛ nyɔk."

Cu kuɔ̱ɔ̱n nyaawni di̱el guec. Kä nyaawni cua duɔɔth doth.

Cu kuɔ̱ɔ̱n wee, "Gɔaa, ci kɔn mat. Kɔn ba̱kɔ gatdun kɛl thöp nyaada kɛl."

Cu nyaawni loc cieŋ kɛ tɛ̈th lɔaac.

Cukɛ wee i̱, "Bi gɔɔydɛ ba̱l ni cäŋ buɔ̱ɔ̱l," ɛ wäkɛ mi bɛ̈lkɛ thukiɛn.

Cu cäŋ buɔ̱ɔ̱l cop. Kɛn kuɔ̱ɔ̱n cukɛ ŋot diɛɛrkɛ. "Ta̱yɛ thieekä ɣo̱tni," cua la̱r gaatkiɛn.

"Guicɛ jɛ, nyaawni ka bëëni. Mi wäkɛ gɔw kɛ kɔn, banɛ gɔw kɛ kɛ bä. Duŋni ɣöö mi wa ca̱mdan ɣɔ̱n, banɛ rɔ̱dan cu guir."

Cu nyaawni duɔ̱pdiɛn kuany.

Ɛ wäkɛ mi kɛ̈tkɛ dit buɔ̱ɔ̱l.

Dɔaaŋ kuɔ̱n cuɛ ŋuɛ̈t kɛl thiec i̱, "Liŋ yɛn dit ɛ kiit kɛnɛ mɔ?"

Cu kun in duŋ tiit wee, "Ɣää. Kɛn tekɛ ki̱i̱tdä, 'Ka̱pɛ kɛ kä camɛ kɛ. Ka̱pɛ kɛ kä camɛ kɛ!'"

Cu kun in di̱i̱t wee, "Kɔn banɛ kiet bä."

Jɛn cuɛ kiet tok, "Riɛŋɛ, kuɔ̱ɔ̱n, riɛŋɛ! Riɛŋɛ, kuɔ̱ɔ̱n, riɛŋɛ!"

Kɛn kuɔ̱ɔ̱n diaal cuarɔ̱ yuɔr ɣo̱tnikiɛn kä cukɛ läny.

Kɛn nyaawni cukɛ cop kä thiëc kɛrɔ̱ kamnikiɛn, "Kaw gatdan ja nikä?"

Cu dɔaaŋ kuɔ̱n wi̱cdɛ ruɔ̱ny raar rɛy kɔ̱kädɛ. Cuɛ wee i̱, "Canɛ min ca nyuɔ̱th kɔn nɛn. Mi pɛɛl gua̱n tɛ̈ru rɔɔdɛ i̱ ɛ määthdu, ji̱n guir rɔɔdu kɛ bänydɛ piny."