Kwaka kuli nominda untukutuku munsha.

Kwaka kugala ihuku yaluwi Daisy.

"Ndikango kubuka, ndinoda kupululuka mudenga," unodalo Daisy.

Asi jimwe jako seka iye.

"Ulema," jakadalo. "Atitozana nawi akale."

"Daisy, tose tinga pululuka asi ihukwana ajitotula kupululuka," Mai bakandibuja.

Daisy hajalukonelwa. Mazhuba ose wakabe kweja kuzanisa mapapilo awe.

Kwa, kwa, kwa ekweja kunyamula mapapilo awe asi haja katubula kupululuka.

Walu sogala akazwikweja mishaji yose eyeya kuti anga pululuka kupinda tundonga.

Inyuni jaluti ihuku ayinga pululuke.

Kwa, kwa, kwa, izhuba nezhuba Daisy walutambanuja mapapilo awe.

Walu so kweja kupupuluka koga walu wila pasi akale.

"Andito puluka!" Daisy wakalila kwaMai. "Bamwe bakaleba ichokomende."

"Daisy, ulosiya nemwe ihuku. Ajitoda kupululuka koga iwi unga pululuka! Unga pululuka," banodalo Mai.

Izhuba linotobela Daisy wakatana pezhulu pechizhumbo akatambanuja mapapilo.

Wakapululuka mumpepo etambanuja mapapilo aka…

BHU!

Jimwe huku jakoseka.

"Ha ha ha! Takakubuja kuti ihuku ayito pululuka!"

Koga izhuba linotobela Daisy wakatana pezhulu kasa etambanuja mapapilo akapululuka.

Akapululuka, akapululuka etambanuja mapapilo awe...

Wakandila mbeli epululuka ibhepo lyalubhancha akenda mudenda kasa!

Tundonga notuzembe twakati, "Zwinochemanisa ihuku kupululukaa!"

Jimwe ihuku jakada kuba saiye.

Jakati, "Daisy, unochenamisa!"