E woodi ɓiɗɗo gorko, bi'eteeɗo Saabaana, e mo jooɗii wuro maama maako. Innde soobaajo maako Umar.

Saabaana bee Umar ɓe ngiɗi fijugo bol.

Nyalaande fuu, to ɓe ngartii janngirde, e ɓe pija bol.

Ngesa haako maama Saabaana e haade.

Yaake feere, to ɓiɓɓe e lata bol bee semmbe, sey nga nasta ngesa maama.

Maama wi'iɓe, "To on koosoyi bol nder ngesa, taa' ngejjitee maɓɓugo kowaagol."

Nyalnde feere, e ɓe pija, sey bol nasti ngesa. Ɓe njahi hoosugo bol, sey ɓe ngejjiti maɓɓugo kowaagol.

Mbe'a sey nasti ngesa, nyaami haako maama fuu.

Sey maama yahi ngesa ngam ittugo haako hiraande.

Sey mo tawi kowaagol e maɓɓitii, kummbi fuu timmi.

Maama sey ƴamitii, "Ɗume ɓiɓɓe ɓen ngaɗiiyam hannde?"

Mo noddi semmbee, "Saabaana!" Saabaana doggi wari, mo wi'i, "Maama am?"

Maama ƴamimo, "Noye kummbi am waɗi?"

Saabaana hultorii, fotaayi wolwugo. E be ndari nder ngesa, sey Umar wari.

Maama ƴamimo, "Umar, ɗume annduɗa dow haako am?"

Umar jaabi, "Aa'a maama, walaa ko mi anndi dow kummbi maaɗa."

Maama wi'i, "On ngejjiti ko mi wi'i'on na? Onon ɗiɗo, on maɓɓaayi kowaagol."

Ɓe njoftidi, "Aa'a maama."

Ɓiɓɓe puɗɗi felootirgo haa ɓe njokkiri.

Nde maama naniɓe sey noddiɓe.

Maama ƴamiɓe ko waɗi ɓe njokkirta.

Sey ɓe mbiitimo goonga dow kummbi maako.

Ɓe mbiiti maama, kamɓe ngejjiti maɓɓugo kowaagol.

Saabaana e Umar nani monee, ɓe tuubi ɓe mbi'i ɓe meetataa.

Maama enɗiiɓe. Mo wi'i, "Mi yeloo, on ɓeydi hakkiilo. Taa' meetee alee kowaagol maɓɓaaki."