Nyalnde Asawe, lewru Haaram, gulɗum waɗii.

Inna wi'imin, "Daabo, Aysatu, Giɗaaɗo, ndillee pijoyee! Mi yiɗaa'on haade am."

Sey min mburtii saare.

Giɗaaɗo wi'i, "En ndillu regorde. Ton e ɗum feewi." Daabo numtini'en, "Inna wi'i'en, taa' nginooɗen e regorde."

Giɗaaɗo jaabiimo, "En nginataako. En pijay e ɗowdi haade ndiyam tan."

Min pijii Bancilili e ɗowdi leɗɗe haade regorde, haa min nani gulɗum.

Min arti min itti paɗe amin, ammaa e min nana gulɗum. Sey min itti limse amin, ammaa gulɗum timmaayi.

Sey min cuuwi koyɗe amin nder ndiyam ngam ɗustugo gulɗum.

Nden min mbiccindiri ndiyam seɗɗa-seɗɗa. Min fuu, ɓalli amin coofi.

Aysatu wi'i, "Nastee, nginooɗen! Inna anndata."

E min nginoo, e min nginoo, min ngejjiti haa min kirni!

Naange fuɗɗi mutugo haa peewol yanti.

Toye limse meeɗen?

Min ndaari ley leɗɗe. Min ndaari nder geene.

Min ndaari koo toye.

Na'i feere e ndurayno haade regorde, e ɗi nyaama geene belɗe. Daabo ɓaŋti gite maako wi'i, "Ndaaree nagge ngen ɗaa'e! Ɗume nge nyaamata?"

Giɗaaɗo wi'i, "E nge nyaama pinndi boɗeeri." Aysatu hooli, "Naa' ɗum pinndi boɗeeri, ɗum limsel maaɗa!"

Min ndaari, min ngi'i nagge feere e ƴakka goɗɗum ciwɗiijum.

Daabo wulli, "Ratton ɗum wudere maaɗa!"

Min kooti bee sallahon amin nguddon tan, e min ndiwna, ammaa naa' ngam peewol tan.

Min mboyii, "Na'i nyaami limse amin."

Inna amin jaɓiika na?

Ɗum neeɓaayi, pooɓe amin nguli, ammaa naa' ngam naange.