Yaake feere, woodi pul debbo mo yiɗi taaniraawo maako be ɓernde maako fuu. Nden o sahi mo yerande.

O wi'i mo, "Yerande nde hokkete laatoto riiba panyo debbo mo laatoto debbo maa saa'i a wartan goɗɗo manga."

O fotti haa dow laawol maako, o aarti fottugo bee ittooɓe
ɓendalooje jey be ewna ta « [1]mir »

« Hey ! » O fuɗi ewnugo mo be sawtu. « Mi
heɓan sungulla ngam mooɗon! »
Yerande nde laataay jey am. Ɗum jey maama am debbo. O hokki am ɗum  be lisaafi. O hokki am  ngam ribanaago muyiraawo am.

Mo ɗon itta ɓendalooje, o hokki mo sawru jey o ɗon
huutindira ngam sammingo ɓendalooje « mir ».
Nden, ɓinŋgel goorgel tokkitini bee laawol maako.

On fotti boo be mahanɓe
saare, be ƴami mo sawru maako. Bee hutindiri ngam kuuɗe maɓɓe
haa sawru man yewi haa samɓiti.

Ɓiŋgel goorko fuɗɗi wookugo : « Hey ! Mi heɓan ɓillaare ngam mooɗon ! Sawru ndu laataay
jey am, ɗum jey ittooɓe ɓendalooje « mir ». Bee hokkay am meere. Min sanji ɗum bee yerande
am. Yerande go boo naa nde am. Ɗum jey maama am debbo. O hokki am ɗum  be lisaafi. O hokki am  ngam ribanaago muyiraawo am.

Mahooɓe hokki mo vagaare
leɗɗe huɗo suudu. Nden ɓinngel
goorgel tokkitini be laawol maako.

Nii seɗɗa,  ɓinngel
goorko fotti bee gaynaako mo ƴami mo huɗo suudu. Gaynaako hokki huɗo haa
nagge maako, nagge nge moɗi
 huɗo be lawlaw.

« Hey !mi heɓan ɓillaare ngam mooɗon ! huɗo suudu  laataay jey am, ɗum
jey mahooɓe suudu. Bee
yewi sawru am, e sawru man laati jey ittooɓe ɓendalooje
mir. Bee hokkay am sawru
man meere. Mi hokki ɓe yerande. Yerande
go boo naa nde am. Ɗum
jey maama am debbo. O hokki am ɗum  be lisaafi. O hokki am ngam ribanaago muyiraawo am. Ɗum jey maama am debbo. O hokki am ɗum  be lisaafi. O hokki am  ngam ribanaago muyiraawo am.

Gaynaako hokki mo nagge. Nden
ɓinngel goorgel tokkitini be laawol maako.

Dow laawol, o fotti waɗooɓe julde ɓaŋgal. Saare debbo ɓaŋgaaɗo ƴami mo nagge maako. O salanaay ɓee. Nden ɓee
mbari nagge go benyaami kusel man fuu.

Ɓinngel goorko fuɗɗi
wookugo : « Hey !mi
heɓan ɓillaare ngam mooɗon ! Nagge  laataay jey am, ɗum
jey gaynaako on.  Gaynaako man hokkay yam meere.
O hokki
am ngam m hokki mo huɗo suudu.
Nden huɗo go bo laataay
jey am, ɗum jey mahooɓe suudu.
Mahooɓe hokkay am meere. Bee hokki am ngam bee yewi
sawru am. »
 

Sawru ndu laataay jey am, ɗum jey ittooɓe
ɓendalooje « mir ». Bee hokkay am meere. Min sanji ɗum bee yerande am. Yerande go boo naa nde
am. Ɗum jey maama am debbo. O hokki am ɗum  be
lisaafi. O hokki am  ngam ribanaago muyiraawo am.

Nden Saare ɓaŋgaaɗo debbo
wi’i mo: «wala
ko luttini min ngam haa mi yoɓe. Amma min hokkete ɓaŋgaaɗo. Dagan taaria kaa, yimɓe ɗon
hutindira balndi ndi: «koo ndey boɗeenga majjata».

















[1]
Mûres, sont des fruits de fin de l’été
sombre et légèrement acide.