Nyannde feere, Anansi Saysayre nokki ɓulumji nder jarne maako.

Ɓulumjiɗi vooɗi e ɗi boɗɗi boo. O ɓendiniɗi bee laawol haa yiite nden o nyaami ɗi.

Wakati Anansi fuɗɗi nyaamugo, o nani sawtu goɗɗo haa dammugal. "Kayto!" Anansi numi no nder ɓernde maako. "Ɗo bo ɗum moy jo?" Amma o maɓɓiti dammugal.

Ɗum woni Hunnyaare, nden o cumɗo boo. "Anansi, useyni accam le mi naata. Hannde mi wanci dayɗum, mi somi e mi dolɗo boo," wi'i Hunnyaare.

Nden Anansi accimo o naati taan.

Anansi yiɗa sendugu ɓulumji maako ɗodde e belɗe bee goɗɗo. Nden o numi dow dabare feere nyiddunde.

Nden sa'ire Hunnyaare fuɗɗii jooɗugo, o fuɗɗi yaarugo juŋngo ngam hoosugo ɓulumre, Anansi fuɗɗi harkugo, "Hunnyaare, juuɗe maa ɗon bee salite! A nyamatako bee juuɗe bee salite! Ya lootu juuɗe."

Fakat juuɗe Hunnyaare ɗonno bee salite. Nden o ladi bee hakkilo nder mbeela, o lloti juuɗe maako, nden o lorti nyaamugo bee ladaago.

Amma saaire maajum, Anansi fuɗɗi  moɗugo ɓulumji. Nde Hunnyaare warti, o taway nyamdu fahin.

Hunnyaare laari Anansi. "Mi yetti ma ngam ewnugo yam nyamugo. Waala mo anndi, nyannde feere too a waran gal saare am, war laaram mi lornannte nyamdu.

Nden Hunnyaare fuɗi ladugo bee hakkilo.

Ɓaawo ɗon seɗɗa, Anansi fuɗɗi numugo dow nyamdu buutu jey Hunnyaare ɗon taski hokkugomo. Nyande feere o yehi haa saare Hunnyaare.

Anansi yotti haa saare Hunnyaare saa'ire naange fuɗɗi jippugo dow maayo. Hunnyaare ɗon saŋkiti ɓanndu dow tappare feere haa naange ngam aytinugon, non Hunnyaaje woowi waɗugo.

Nde Hunnyaare laari Anansi, o wi'i, "Sannu Anansi, on ngari ngam haa on nyaama bee am naa?" Anansi jaabi be wi'igo, "Ohoo, ɗum wooɗi useyko."

Nden Hunnyaare nasti nder ndiyam ngam taskitinugo nyamdu e ko nandi fuu. Anansi ɗon reeni haa sera maayo.

Ni seɗɗa Hunnyaare loorti be wi'igo, "Hey Anansi, nyamdu ɗon taskiti, war nyaamen."

Nden Hunnyaare nasti nder ndiyam fuɗɗi nyaamugo haako jey nyamdu maajum.

Anansi foondi nastugo ndern ndiyam maayo, ɗum Saysayre o tawi, na Hunnyaare. Nden o fotaay o nasta les maayo boo. O lorti dow ndiyam.

O foodi diwugo nder maayo, o foodi diɓɓugo nder mbeela, meere. O waaway nastugo ngam o nyaama nyamdu ndu.

Ɓaawo maajum, Anansi heɓi numooji feere. O hoo'i kaa'e o nastini jiiba limce maako nden teddini mo ngam haa o nasta les ndiyam. Nde o marɗo faamu!

O laari taabal ɗon heewi bee haako welko et nyamdu feere feere welndu. Hunduko Anansi ɗon heewi bee
ndiyam.

Amman de Anansi fuɗɗi nyaamugo nyamdu  welndu ndu, Hunnyaare darni mo bee wi'igo, "Anansi, ta
wiyam a nyaaman be limce dow maa? Haa amin kam ɗum waɗataako bana ni."

Mi numaay dow man wi'i Anansi, "Goŋga maaɗa, Hunnyaare, toy numooji am dilli?" O itti limce maako. Amma kaa'e go wala ndern jiiba maako ngam haa jogamo nder les ndiyam fahin.

Anansi lorti dow ndiyam be lawlaw nden o tawti hoore maako yaasi.

Anansi jo'ini hoore maako bila seyo e o ɗon laara Hunnyaare ɗon nyaama nyamdu welndu ndu!