Njuku a há̧na erú, a zi ɓay a ná bazeŋ a njukuri yá.

Ké zi ɓá wûny a mɛ̌, ké sé ko njukuri yá kɔ́.

Sêe a há̧na, ké sé ɓá ɗínáké sé ɓil lawkɔr, sé zá vûn a mɛ̌ ka̧n rú̧, ɓá ɗínáké kuu njukuri.

Ké uru a gel a pélé a sé rú, a ré a gel a bɔʼɔlêw a gel kaw yíray.

Sêe a há̧na, njuku ráy zi ré ɓá gánáké yá.

Ɓaʼala kaw a ko hɛ̧ ka njuku ráy kaw niŋákéy.

Ɓaʼala uru a sé háŋ nzáʼaŋgboro a vûn a njuku ráy.

Wûny a mɛ̌, kɛrɛ ɓá wɔ̧rɔ̧́ a mɛ̌ pé réy lé, a ŋgburu nzáʼaŋgboro.

Ɓaʼala zɔ a ŋgbá wûny rá̧y a sɔ̧́ nɛ́.

Gelka wɔ̧rɔ̧́ a mɛ̌ regíy, ké gí ko ɓá Ɓaʼala ŋgbá wûny a mɛ̌ a sɔ̧́ dá.

Ké tu a̧hí̧ ké e sanáké yá.

A nɔ́ too niŋ ɓayhí̧lé, ké zi ɓay a ná bazeŋ a njukuri yá.