Sa̧a nɛ́ tí tá ɗiɓaŋ mambá dá. Njuku mbaŋari̧ sére, Nzáʼa rá̧ Ndɔ̂ʼɔ, kú ná ka ɓil pû a há̧na, kuriri mbêw mbêw too ka wûny a kuriri.

Kú kaw ɛ́ŋ báŋa nyînrí̧.

Sêe a há̧na, wûny a Nzáʼa gí ziŋ hûl.

Nǎŋnɔ́ Nzáʼa vbí njuku mbaŋa a mɛ̌ ndɔ̂ʼɔ hɛ̧ ɓay a ké ŋgoro wûny a mɛ̌y.

Gelka Nzáʼa gí resé pû, ké gé kó ɓá gá̧má ka ndɔ̂ʼɔ hí̧ nɛ́y, zi tí yá. Dáy, a ké uru sé gel a ndɔ̂ʼɔ ɓay a gé sá hí̧ nɛ́ rá̧ ɓay a gé vbí ndɔ̂ʼɔ ké vbá̧buma hí̧ nɛ́.

Ndɔ̂ʼɔ gé zi ɓay a láɓay a há̧na nyá: Ti yá, tí yá, bel ɓá
njuku mbaŋa mɛ̌ Nzáʼa, ké hí̧ nɛ́ gá̧má a mɛ̌, a ké hí̧ nɛ́y.

Nzáʼa zi tu ɓay sána nyá. Ké uru a resé tûl pâl, há̧na ké yɛʼɛrɛ gá̧máké ka̧n tûl pâl lé. Ké gé ɛ́ lágel too, a zi ziŋ nyá.

Dáy, a ké re ara hûl a kɛrɛ ɓá e a ɓil lɔ̂ʼɔ pâl lé. Ké gé kó hɛ̧ yér! Hûl a wûny a mɛ̌, zi tí ɓil lɔʼɔ yá.

Ná ɓá hɛ̧ sehaŋ, Nzáʼa rekála sé gélé. Gelka, ké zi ɗɛ́ŋ
ka vûn a mɛ̌y, ké kó vâa ka núŋ gá̧má a ké kaw ɛ́náké ka̧n nzɛ́ʼɛ.

A ké lá kɔ́ŋ a wûny a mɛ̌ ka sá, "Vâa nɔ́ ɓá Njukupéna a mɔ̌."

Nzáʼa gí mbí gá̧má rá̧y a sé hí̧ Ndɔ̂ʼɔ, dáy a kóró vâa ráy kaw kuu mɛ̌.

Vâa ráy kaw a ŋgɛŋnɛ́ ɓá kuu Nzáʼa, a kaw hí̧ ndɔ̂ʼɔ hí̧ nɛ́ a kú mí sé kpâay. Nzáʼa zi ɓay a ɗí nɛ́ ɓá 'vâa' mbaa dáy a ɗí nɛ́ ɓá 'Mutumisi'.
zi ɓay a sá ɓá « Njukupéna » ka nzáʼaɓay a mɛ̌.


Ɗíɓaŋ, kú kaw mbêw ɓá bélaké. Nzáʼa kuu Ndɔ̂ʼɔ retɛ̧ njuku
mbaŋa.

Sêe a há̧na, Ndɔ̂ʼɔ zi ɓay a sɔ̧́ háy, dáy a zi tí ka vâa
ka e hí̧ ndɔ̂ʼɔ hí̧ nɛ́ ka sé kpâa yá. Ké sé ziŋ mbaŋa a mɛ̌ Nzáʼa, a vbí nɛ́
ɓá ké hí̧ nɛ́ vâa a mɛ̌ a ké sé kpâa rú.


Nzáʼa gé hí̧ nɛ́ vâa a mɛ̌ táŋ saɓay, a sá hí̧ Ndɔ̂ʼɔ ɓá,
ké tí ná tí nɛ́ ɓá « vâa » ké ɗí nɛ́ ɓá « Mutumisi ».

Ndɔ̂ʼɔ ɗá Mutumisi sé
gelri too kuu mɛ̌. Hɛ̧ too ka ké vbí Mutumisi ɓá
ké niŋ, ké niŋ hɛ̧ké.


Ké pé Mutumisi sé
kpâa lá ɓil diiri. Ndɔ̂ʼɔ kaw ka lawrína sé tûl péna a Njukupéna a mɛ̌.

Sêe a há̧na ka ɓil diiri, Mutumisi gé
ɓɔ́l. Ndɔ̂ʼɔ ɓá nɛ́ ɓɔ́l dá ! Ké ɗí nɛ́ : « Mutumisi !
Mutumisi !
Mɔ́ e a gé sí̧lé ? »


Gelka ké ta̧ ka ɗí nɛ́ dáy, hɛ́rɛ niŋ nɛ́ dáy, ké sá: Vâa
nɛ́ kaw ɓá dɔ̂ʼɔ ! A Núnmbɛ̧́nɛ́ nɔ́, Mutumisi tɛ̧́
gí a sá : « Mɔ́ ɗí mǐ « vâa » ! Mi kála dá ! » Dáy a kála.

Ndɔ̂ʼɔ regí gélé hɛʼɛ, táŋ Mutumisi.
A ké sé sa hí̧ mbaŋa a mɛ̌ Nzáʼa ɓá ké ɓɔ́l « Njukupéna » a mɛ̌. Mûn a Nzáʼa
zi ri yá. Ké sá hí̧ Ndɔ̂ʼɔ ɓá ké rerú a « Njukupéna » a mɛ̌ hí̧ nɛ́.


Dáy Ndɔ̂ʼɔ zi rezíŋ nɛ́ mbaa, nǎŋnɔ́ tí ka sêeké nɔ́, pé
Ndɔ̂ʼɔ retɛ̧ njukupéna a Nzáʼa.