Taaria ka saali neeɓi.
Soobiraaɓe ɗiɗo, Hunduko e Juŋngo, ɗon yeeɗa hawdaade haa gure feere,
moy fuu bee debbo maako.
Bee laatiɓe bana derdiraaɓe.

Nden nyande feere, debbo hunduko maayi.
O ƴami soobaajo maako Juŋngo ko o uwirta debbo maako.

Wakati Hunduko hooti
saare maako, o hirliti kupkup jey Juŋngo hokki
no mo majji. Nden o laari Juŋngo ngam
famtingo mo e ɗamugo mo yaafuuye.

Hundugo tulli dabare.
O lorti haa nyanaade ngam laarugo to o yejjiti addahi. O tefi gal toy fuu, amma o heɓtaay. Nden o fuɗɗi maɓɓitugo nyanaade. Kayɗiniɗum ! waade debbo maako walaa haa ton fahin.

Laati jurumɗo e cakliɗo, Huunduko lorti saare maako. Nde o ɓadi  saare maako, o laari goyru feere ɗon jogi kupkup jey o ɗon no tefa. Nden o nani sawtu debbo maako mo ɗon wi'aa mo : « goyru ndu laati korɗo maa. » Hundugo hoo'i kupkup o hokkiti Juŋngo, amm o luttiri bee goyru.

Jotta, goyru ndu ɗon yeeɗa bee
Hunduko, ndu ɗon walla mo to o ɗon yaha haa
diwgal.

Nyande feere, Jungo mari haaje nyaamugo kusel, amma o wala goyru ngam wallugo mo nder diwgal. O yehi o tawi soobaajo maako Hunduko e o ƴami mo o hokka mo goyru mum nguƴaare.

Juŋngo yaari Mutumishi
wancini mo haa babal fuu. Ko o ƴami mo fuu Mutumishi ɗon waɗa. O ɗon nela Mutumishi diwgal haa caka ladde

Nyande feere caka ladde,Mutumishi majjiti. Juŋngo majirimo ! O ewni mo: ɓaawo neeɓi seɗɗa,o somi ewnaago mo, nder tikkere maako, o wi'i: ": goyru ndu wala hakkilo"! Sa'iire maajum,Mutumishi wanggi, o wi'i: " a ewni yam "goyru"! Mi dilli ! Nden o dilli.

Juŋngo warti saare maako bilaa Mutumishi". O maatini soobaajo Hunduko, o majjira
korɗo maako. Hunduko seyaaki. O wi'i haa Jungo o yiiɗi wartirgo "korɗo" maako. Ammaa Juŋngo metaay tawtugo mo, nden daga nden on Juŋngo warti korɗo Hunduko.