Ngise ansule u kpeghee lu hen wan-gar u kiriki.

Wan ikyegh lu her i yilan un er Ikpyu-ikpyu.

Ikpyu-ikpyu kaa er, "Zum u me vese yô, msoo u purugh yemen sha abeen ca fiiniin."

Mbaikyegh cica cii nande ahan gba sen un.

Ve kaa er, "U ngu vough ga. Se kera numbe vea we ga cii!"

Ngô na kaa er, "Ikpyu-ikpyu, se cii se faityô u gbidyen akper kpa taver u se mbaikyegh se purugh."

Ikpyu-ikpyu gba wer ga. Hanmô iyange a kar iyol u gbidyen akper.

A gbidye akper kpur kpur kpa a faityô u moughun hen inya ga.

Zum u lu karen-iyol yô, a gba nengen a iyol na ken ishima na er un lu purugh geman kenger ikyegh igen zenden hen inya nahan.

A nenge a iyol na ken ishima na lu purugh karen ugbargbar man mbaatsator kpaa. "Gbeke!" Inyon igen kpaa i a wuese. "Ikyegh ne ngi purugh!"

Kpur-kpur kpur-kpur, kpur-kpur, Ikpyu-ipkyu a shi gbidyen akper hanmô iyange.

A mough hen inya kpa a hidye shi a gba.

Ikpyu-ikpyu vaa iyol a ngô na er, "Me faityô u purugh ga. Kwaghôron u mbaikyegh ôr la ka mimi."

Ngô na kaa er, "Ikpyu-ikpyu we u ngu kposo a mbaikyegh cii. Ve yô ve soo u purugh ga kpa we u soo. U faityô!"

Kpernan yô Ikpyu-ikpyu unde sha ityôô-Ikyegh shi gbidye akper kpur-kpur.

A purugh sha ahumbe a gbidye akper kimbir-ki-kimbir man…

KPUGH!

Mbaikyegh mbagenev nande ahan gba sen.

"He-he hieee! Se vande kaan we! Mbaikyegh mba purugh ga!"

Kper nan yô Ikpyu-ikpyu unde yem sha tor-youghu sha atô ica.

Ikpyu-ikpyu gbidye akper kpur-kpur, kpur-kpur, kpur-kpur.

A purugh sha ahumbe man agbidye akper, agbidye akper kimbir-ki-kimbir man…

A gba purugh yemen hemen! Ahumbe a shin akper na gba taver seer a seer. A purugh ayem ca sha abeen.


Mbaatsator kua ugbargbar gba kpiligh iyol er, "Gbeke! Kwaghkpilighyol! Ikyegh ngi purugh!"

Mbaikyegh cii soo u lun vough er un nahan.

Ve cii ve ember er, "Aye, Ikpyu-ikpyu, kwagh wou gande!"