Document

Ɨ̀ Suyn yem, mbàynɨ̀ yem

Smangaliso Molebale

Thulani Mhlanga

À n- læ meyn nà ghɨ ɨ̀tu' fɨ̀li, a ntè' Mfalele, wayndà ɨ̀kùŋ ɨ̀lvɨ̀ læ nà ghɨ, chi ŋêyn bò ŋweyn nɨ̀ nà ŋweyn.

Wayndà ɨ̀kùŋ nâ wêyn læ nà gvɨmlɨ̀ bò ŋweyn ŋêyn nà ŋweyn, nɨ̀ ghelɨ ghɨ̀li a ntè' nâ yè.

Izɨyn i ŋweyni læ nà ghɨ Tabo Maloba.

Achi-a ka sɨ-a ɨ̀we, ta kfaŋ nɨn toŋtɨ na 'Mondèy', læ nà ghɨ̀ àchi a ntè' ta ghelɨ læ nà ghàblɨ̀-a, sɨ ba'tɨ i woynda na ghɨ kasɨ se'a ndô ŋwà'lɨ̀, sɨ ibàmi mɨ̀chi ɨ̀n yvɨ̀tɨnɨ̀.

Ɨtu layn achi alya, Tabo se sɨ se' a ndô ŋwà'lɨ̀, ɨ kòynɨ̀ ŋêyn Sbàks. Àŋena nà bèsɨ̀ ndu nɨ̀ àwo a dzɨ, a ti ɨ ku suyn.

Sbàks læ nà nù chwòsɨ̀-a, fu nge' sɨ woyn ghɨli fi le' ndô ŋwà'lɨ̀. Wù læ nà ghɨ wayn ɨ̀ bɨ, dɨm mbè' fì kôŋ sɨ nà dù'ì ŋêyn ghelɨ ghɨ bɨ.

Kɨ̀ silæ silæ, Sbàks ɨ tutɨ Tabo. Tabo nà kòŋ wì sɨ̀ nà kè' ta ànkfês, ɨ zɨ̀tɨ̀ sɨ nà chî nchînɨ̀ i bɨ̀ ta Sbàks.

Tabo ɨ̀ zɨ̀tɨ̀ sɨ̀ nà nyàblɨ̀ nɨ̀ woynda, bu fì gvɨmlɨ̀ wì bò ŋweyn ŋêyn nà ŋweyn nɨ̀ ghelɨ a dzɨ àfi a wù læ nà nì sɨ asɨ.

Wu bêynlɨ̀ sa wul ɨ̀ mɨ̀lù'-ɨ̀-nyvɨnɨ̀, nà bu fì kelɨ̀ wi ɨ̀lvɨ̀ sɨ̂ ngêŋ ŋweyn.

Tabo ɨ mà'ì ngêŋ ŋweyn nà bɨ̀m chî kɨ chi, nfamasɨ ku ŋweyn. Wu yum nô sɨ a ŋaŋ, Sbàks ɨ zɨ̀tɨ̀ sɨ nà chye' ɨ ŋweyn, bu fì kòŋ wì sɨ̀ nà ghɨ̀ suyn ŋweyn.

Bò Tabo ŋêyn nà ŋweyn ɨ̀ tò'tɨ̀ ŋweyn na wù ndu a ndô ngàŋ a ntè' na yè, ta ka wù keli afɨ. Wu zɨ̀tɨ̀ nà nyvɨ afɨ a ŋweyna, nà sɨ boynɨ-à.

Tabo ɨ kasi kfà'tɨ̀ ichi i ŋweyni. Wu yeyn keli na wu læ ku suyn ŋêyn mbàynɨ̀ ŋweyn.

Wu kasi zɨ̀tɨ̀ sɨ̀ nà se' a ndô ŋwà'lɨ̀, ɨ loyn ìlêsɨ̀ ifu sɨ bò ŋweyn ŋêyn nà ŋweyn, nɨ̀ ndyèynsɨ̀sɨ̀.

Iwumi i ku Sbàks tèyn ta Tabo sɨ kelɨ̀ nchînɨ̀ ìjùŋ.

Nô ŋweyn ɨ yeyn keli ìnkì I nchînɨ̀ zɨ̀ a wù ti na kelɨ̀ ɨ kfatɨ̀ sɨ kfɨnɨ sɨ nà ghɨ wul ɨ̀ jùŋ.

You are free to download, copy, translate or adapt this story and use the illustrations as long as you attribute in the following way:

Ɨ̀ Suyn yem, mbàynɨ̀ yem

Author - Smangaliso Molebale
Translation - Yoh Edelquin Nabi
Illustration - Thulani Mhlanga
Language - Kom
Level - Longer paragraphs

© African Storybook Initiative 2017
Creative Commons: Attribution 4.0
Source www.africanstorybook.org
Original source This story was selected as one of the 7 winning stories from the Writing in your mother tongue writing competition partnership between Saulsville Library and the African Storybook Initiative.