Mɨ n-kayn nà wul ɨ̀lvɨ̀ fi ghɨ tèyn ta ma alè' alya a mbzɨ̀-a.
Wu ke' kɨ̀ tèyn ta ma.
Fì taŋi kɨ̀ tì.
Fì kelɨ ɨ̀nkì inyuŋsɨ atu nɨ̀ mà.
Ɨ wul wu kelɨ àsi àkema nɨ̀ ɨtuŋlɨ ɨ̀ wom.
Fì chye' kɨ tèyn ta ma.
Ma wù kà' a wù ni nô mɨ ghà vzɨ̀ a mɨ n- nî.
Mɨ̀tɨ̀ ma wù kà' wù bu nì iwo zɨ̀ a mà kà' ma bu nì.
Ma ki meyn fi kɨ̀ŋ nô mɨ̀ awo sɨ yeyn na mà kà' a mà yeyn wul ta ma-a. Ma ti meyn kàlì nô mɨ akù fì ki ibam i ɨ̀nkà'.
Ma tî meyn ki jɨ̀ŋ kal, ki kò'sɨ, fì ki su'sɨ̀.
No mɨ̀ ikè' ìkà ta mà yeyn.
Mɨ̀ bu læ yeyn ɨ wul ɨ̀lvɨ̀ ta ma nô alè' alya.
A n-ghɨ kɨ mà nìnyɨ̀ŋ a mbzɨ̀ afêyn! Mɨ n-ghɨ̀ kɨ nìnyɨ̀ŋ, o, yi n-ghɨ kɨno samo'.
Mɨ̀tì, a n-ghɨ wi kɨ ma, yì yeyn ti-a? No mɨ zɨ̀ nɨ ghɨ kɨ nìnyɨ̀ŋ!