Document

Njàkâs ŋêyn nyam mbòŋ

Melese Getahun Wolde

Salim Kasamba

Wul gvèynsɨ̀ ɨ̀lvɨ̀ nɨn læ meyn nà kelɨ nyam mbòŋ ɨ̀lvɨ̀ ma yì dvɨyn meyn.

Wù n-læ meyn nà kelɨ kɨmɨ njàkâs.

Nyam mbòŋ nêyn njàkâs nà ghɨ̀ suynsɨ̀.

Aleŋ a likfa ɨ kfeyn, nyam mbòŋ ɨ bè sɨ̀ njàkâs na, "Ma bolɨ meyn chwòsɨ̀ layn."

Nyam mbòŋ ɨ fi bè sɨ njàkâs na, "Ma bu nì yvɨ̀tɨ̀ layn."

Njàkâs ɨ bèynsɨ̀ na, "Ma ni meyn fèl chwò nô và."

Ɨtu' ɨ layn kfêynsɨ̀, nyam mbòŋ ɨ bè na, "Layn nì nà ghɨ achi a bɨ-a."

Njàkâs ɨ bè sɨ ŋweyn na bò gvèyn gvi, wa bè na 'Moo.' A wù bè sɨ và na wà yvɨ̀tɨ.

A na ghɨ nɨ̀ bɨsì-bɨsì ànkumtɨ achi, mbòŋ ɨ nì na, 'Moo!'

Bò gvèyn ɨ visi na yì yvɨ̀tɨ.

Bò gvèyn ɨ lì njàkâs na yì se' nà sî ndù nɨ̀ ibuyn.

Njàkâs ɨ fèl achi a fɨblà.

Yi nì se sɨ kfa, ma yì bol meyn chwòsɨ̀.

Njàkâs ɨ bè sɨ nyam mbòŋ na, "Bò gvèyn nì bè na wu zᵫ và a libɨs ɨ kfè sɨ-a njwò."

Nyam mbòŋ ɨ bè na, "Ma læ̀ se' a libɨs. Mɨ sɨ tonɨ̀-a lvɨ̀yn."

You are free to download, copy, translate or adapt this story and use the illustrations as long as you attribute in the following way:

Njàkâs ŋêyn nyam mbòŋ

Author - Melese Getahun Wolde, Elizabeth Laird
Translation - Yoh Edelquin Nabi
Illustration - Salim Kasamba
Language - Kom
Level - First sentences

© African Storybook Initiative 2016
Creative Commons: Attribution 4.0
Source www.africanstorybook.org
Original source www.ethiopianfolktales.com