Document

Aku, nɨ̀ bom 'ays klim' nɨ̀ ŋweyn

Agnes Gyening-Asiedu

Offei Tettey Eugene

À n-læ meyn nà sɨ ghɨ ach alia, nàwàyn nà kfê kfe. Wu jàŋ na, "Abena, Ajua, Akwasi, Ɨfwo, ɨ̀ yɨnɨ bi meyn, zɨ̀ li gvɨ̀ nɨ̀ ɨ̀kfàŋ.''

Nàwàyn ɨ fu abayn no mɨ sɨ̀ ndà, nɨ̀ mbàs, ba'sɨ nɨ̀ njwò. Wu bè sɨ àŋeŋa na, "Zɨ̀ ndu dù'i nà yɨ-a."

Aku ɨ ki abayn a ŋweyna. Ɨ ki mbàs ɨ ŋweyn. Nɨ̀ njwò ŋweyn. Wu lêm akaŋ a ŋweyn a nse nɨ̀ inyòs ɨ itoŋi, ɨ dzɨ̀. Nàwàyn ɨ bɨf na, "Aku, à n-fu ghà nge' sɨ và?"

"Njwò yem n-læ chwò no mɨ yi ndà," Aku ɨ dzɨ̀. Nàwàyn ɨ̀ bê na, "Mɨ̀tɨ̀ wà n-lae chwò no mɨ̀ ndà."

Aku fi dzɨ̀ nô sɨ a ŋaŋ. Wu mà' ngêŋ ŋweyn a nse. Nàwàyn nà kôŋ wì ta Aku n-dzɨ̀. Wu byal njàŋ na, "Abena, Ajua, Akwasi, zɨ̀ nyàŋsɨ̀ gvì nɨ̀ ɨfwo ɨ yɨnɨ nɨ̀ zɨ̀!"

Ɨ woynda gvɨ̀ nɨ̀ ikfaŋ àŋeŋa. "Lvɨ̀yn a Aku, fɨ̀sɨ njwò zɨ̀ a wà n-kôŋ," nàwàyn ɨ bè.

Aku ɨ̀ nyɨ̀mlɨ chye'. Wu ndùŋ ki njwò Akwasi ɨ kfà'tɨ̀, "Njwò Akwasi ɨ̀ gha'a."

Wù ndùŋ ki njwò Ajua, ɨ̀ kfà'tɨ̀ na, "Njwò Ajua nɨn gha'a."

Wù ndùŋ ki njwò Abena. Njwò Abena ɨ gha' chwò no mɨ yi ndà. Wu bè sɨ̂ nà ŋweyn na, "Mɨ n-kɨ̀ŋ njwò Abena."

"Abena, fu njwò zyà sɨ̂ Aku, ɨ lì yi ŋweyn," nàwàyn ɨ bè. Abena nà kôŋ wì, mɨ̀tɨ̀ nà kòŋ wì sɨ tal sɨ̂ nàwàyn. Wu fu njwò ŋweyn sɨ̀ Aku.

"Mmmm, njwò yèyn n-foma læ," Aku ɨ bè, ɨ ndù du' ɨ̀ achɨ nà yɨ a saŋlɨ̀-à.

Bii! Bii! Wul vzɨ̀ a wù n-bey'lɨ bomsɨ ays klimsɨ̀, ɨ timi abe. Wu n-læ nà yuf ɨ̀ fɨ̀incha' fɨ gha'nɨfɨ, fɨ kelɨ àntoŋ a lænɨ-a.

Aku læ nà koŋ ays klim. Nàwàyn ɨ̀ bê na, "Abena, li fu bò yem, mɨ n-kɨ̀ŋ sɨ yuyn ays klim. Sɨ̀ zɨ̀ ghɨ̀ jɨ̀m." Abena ɨ lì gvɨ̀ nɨ̀ bò nàwàyn.

"Fu ma nɨ̀ bomsɨ̀ kæ̀sɨ̀, a Bô," nàwàyn ɨ bè sɨ wul ays klim. Wu là;' ɨ fu nò mɨ sɨ wayn ɨ̀ kfà.

Aku ɨ taŋtɨ̀ na, "Nò', bò, tal, kæ̀." Wu ki bom ŋweyn, yi læ̀. Wu ndùŋ ki yî Abena, ɨ yeyn yi læti-a.

Wu ndùŋ ki bom Ajua. Yi læ̀ chwo nô mɨ ì ka. Wu nà saŋlɨ̀-a, ɨ kfà'tɨ̀ na, "Bòm yem gha' chwò nô mɨ yi nda."

"Timiti," wu kfà'tɨ̀. "Mɨ̀ boŋ yeyn bòm Abena." Wu kɨŋtɨ ɨ ba'sɨ a gùŋ nɨ̀ Abena. Ɨ yàsì ɨ̀kchf ɨ̂ ɨ ŋweyn nô sɨ a ŋaŋ ɨ dzɨ̀.

"À ngayn ghà a Aku?" nàwàyn ɨ bɨf gvɨ̀sɨ̀.

"Bom Abena n-gha' chwò ɨ̀ yem," wu dzɨ̀. Nàwàyn ɨ̀ bè na, "Aku, wà n-ghɨ wayndà yɨ àsàyn!"

Aku fi dzɨ̀ nô sɨ a ŋaŋ. Wu mà' ɨ ngêŋ ŋweyn a nse. Nàwàyn nà saŋlɨ̀ wì. Wu na kôŋ wì na Aku fi dzɨ̀.

Nàwàyn ɨ bè sɨ Abena na, "Womèy, fu bom jyà sɨ Aku ɨ sfvɨ yî ŋweyn."

Abena nà kôŋ wì, mɨ̀tɨ̀ nà kôŋ wì sɨ tal sɨ̂ nà ŋweyn. Wu fu bom ateyn sɨ Aku. Aku ɨ baynsɨ asɨ nɨ̀ ìsaŋlɨ-i. Wu ki bom ays klim ì ghà'nɨ nâ yèyn ɨ̀ nyɨmlɨ chye'.

"Mmmmm, bom yèyn nɨn jôfà," Aku ɨ bè. Wu ya'si ɨchfɨ ɨ ŋweyn ɨ lum nô sɨ a ŋaŋ.

"Ayis!" wu sɨŋ byayl ɨ chfɨ mà'ɨ̀ ays klim nâ zɨ̀.

"A fi gyayn ghà lvɨ̀yn a?" nàwàyn ɨ bɨf gvɨ̀sɨ̀. "Bom ays klim yèyn nɨn lùe -à," Aku ɨ̀ bèynsɨ̀.

Nàwàyn ɨ lì bom Aku ɨ lum, ɨ tàŋsɨ atu ikè'. "Iwo ɨ bɨf ateyn nɨ yeyn. Yì befɨ̀ meyn' wu bè."

Nàwàyn kæ kfèynsɨ̀ na, "Si jya a Aku, wà kà' wà bu fi keli ìlvì. Wa yeyn meyn lvɨ̀yn nà yi n-jôf ɨ̀ wì sɨ na yɨ àsàyn-a?"

You are free to download, copy, translate or adapt this story and use the illustrations as long as you attribute in the following way:

Aku, nɨ̀ bom 'ays klim' nɨ̀ ŋweyn

Author - Agnes Gyening-Asiedu
Translation - Yoh Edelquin Nabi
Illustration - Offei Tettey Eugene
Language - Kom
Level - Longer paragraphs