Ndosoda kuzana nonkwaina wangu Jibani.

Tibakwaina babuya.

Umwe wedu akabatumwa kumwe, tosonda tose.

Limwe izhuba nene bangu bakandituma kuzwintolo kotenga munyu namafuta okubhikisa.

Ndakenda naJibani.

Tili munzila takabona bamwe bakwaina bedu bezana ibhola.

"Ah! Unzano webhola!" ndakadalo.

Ndakabeda kuzana nami.

Ndakati kunaJibani, "Ngatibhuze kuti bangada kuzana nasu na. Ndokuda kasa kuzana ibhola lyamakumbo."

Jibani akati, "Ande kuzwintolo tangwa kojozha tizana ibhola."

Asi imi ndikati, "Ngatizane tangwa! Nene abatootivumila kuti tibuye kozana."

Takangwina tikazana. Imi ndakabeli wokubhata mugedi.

Igedi lyakabekatiwa namabwe mabili makulwana.

Ndakshingilila kubhata ibhola mugedi.

Bakwaina bangu abajakatubula kugoja kana limwempela.

Takazana ibhola kuswikila igwa lyazhala unseche.

Takenda kuzwintolo. Imali yanene yakabalashika! Ndakatanga kulila.

Jibani wakandikalalila eti, "Leka zwokulila. Wabeda kuzana tangwa."

Takabwilila kusha tisina munyu namafuta okubhikisa.

Takabekachenuluka, tili nolutyo.

Nene bakanyema kasa patakabwilila kusha.

Umbuzo wokutanga wabakatibhuza ndiwokuti, "Mwabeli kupi unshaji wose yoyu?"

Takababuja ichokomende.

Bakati, "Musubenda kozana musijavumijwa."

Takenda tikanopa madada zwokulya.

Tapeja yopo, tikenda kunoshamba.