Ohôdô nyia Obôrê buo fê ôŋîrîm. Osô nyia buo fê inyi ahito sukul, îtahunihi.

Buo fê omuno eyyafatio kout ênnê êmôlî, ônnô ôhôdô ꞌtô, ninyia isiarak imanyi honyi Omûda.

Ellê ihianani asukuli, buo Obôrê êttê lêtên iyyahatio eesuŋ hosi.

Tô ôbô nôlôŋ, hinyia iyyaharû Obôrê eesuŋ imur, êttê nahîdê îsayô kûak.

Jio asaa lîa, êttê êêtêŋ ônnô omuno mônyê, Hîbata, isio.

Ilaman nyia abarrôî nyia bêbê, bêbê. Hobeŋ nyia Obôrê igonyu ôbô abarrôî ênnê îlaman ihuo nyia.

Omuno nyia Obôrê bêbê bêbê. Attatî îrrîrrîa Hîbata iko ŋarri, êttê buo iguhina êbûbûra eesuŋ hunno ômûk.

Iyiu inyi, "Ojio nyia monyoŋ jio attû inyi isiarana abarrôî Hîbata jihoŋ alla ara abôtôr."

Hinyia adulo inyi iko alilaî honyi hûa, êttê aanî abô atulo îtadêt inyi ahîdê.

Igonyu Obôrê imanyi honyi Omûda attatî iyiuna eesuŋ hunno ômûk, "Emanyi, tahûaî eesuŋ?"

Itarraŋak imanyi jio, "Arûmak hônyôhôî eesuŋ ꞌdaŋ ôttûbaî itua bôrê, ararî Hîbata iko iyye. Ihawwa inyi bêbê, îfahûniere inyi nanî jio ijiara anî attittifieuno iyye."

Iramak nyia Obôrê imanyi honyi ta amûnô isiu Hîbata abarrôî ênnê îlaman ꞌtô anîa aŋaî.

Ajio imanyi jio, "Hôrrê êfô nî abarrôî buo iyye iko Hîbata ifuanna tê êhalû."

Hinyia igonyuni aatî Obôrê, Hîbata iko abarrôî nyia, omunoi nyia isi bêbê bêbê.

Ifî Obôrê monyonyi, "Ilo iyye isiarana jihoŋ abarrôî anîa, ijio nyia bu iyye alô inyi isiarana jihoŋ?"

"Aafê, onyi hoŋ, ara abarrôî anîa ahônôhôî. Efûr nyia nî."