"ŋarriok hoŋ, itoŋoti dêê hêŋafatî many acohuno nî,"
Ajio honyosi. "Omîjana jio îwanata îtaî îttalîa hoŋ. Owoni aŋuak dini."

"Iyaŋ, Omui îttêr!"

"Iyaŋ, obeŋ ara anî êpîrû!"

"Aremik anîa!" Irîŋak honyosi êttê iko ꞌdaŋ lêtên addi tô mahatab honyi.

Abeŋ êmûara hosi anîa ittol. Inyiahi Ikaŋ iko Omui itterio êtafûddîa iko asûla hûattêk.

Attatî Ikaŋ îttaŋara illa, êttê Omui ijiaran agolu 'talaŋ-ꞌtalaŋ.

Akuaharû Omui oruaŋaî êttê isiahina ahûan jio ôbô arîŋ ônnô ôgôl! jio BAA!

Adalaî Omui iko Ikaŋ ifuri hoi hunyia okuahinie ꞌtô îfaû.

"Ittarrôhô iyye ahoi-torowwok îyaŋ!" aluahi Ikaŋ.

"Iyye îpîrû hûnîa, iyye îsûl anî!" Irîŋak Omui.

Idûhû Omûî ahotio. "Ahotio hou adî bu ana. Owon iko ettuliti arrîhaî hunno ônyêk, ettulit abotie ônô emo, iko aala tôttô faû."

"Ahou anîa hôdê. Asô ana ihuo êkîla. Awak êmîjak ofui ahoi hûnîa îttûla aŋaî," Itarraŋak Ikaŋ.

"Imîjak iyye êhanak ana jio ananî maji?" Ifî Ikaŋ, buo ottoŋotio amarî torowwok.

"Igigilo nî ônô asûhê anîa. Buo amaji ôttô faû honyi anîa, ônô ôhê anîa," Ajio Omui.

Ijaŋak Ikaŋ, "Ehuluk adî bû ana." Itawojihini isi ahoi hûnîa isiet hosi.

"Oleyei ahoi hullo odihara ꞌtô hulo ihuo ahoi fiala," Ajio Ikaŋ, ahoi hanî kêlêk-kêlêk.

"Egigilo nî ahoi fiala hûnîa iko ahoi hanî. Iremik iyye ittifiauna ebotie?" Ifî illa.

"Imîjak iyye aŋaî jio obeŋ ara ahotio hêjû anîa?" Itarraŋak Omui.

Itarriamahî Ikaŋ ahoi hanî hûnîa îfaû iko ahoi hîjû.

Asuk aanî jio êjû. Osuhi ahoi hanî jio ahoi hêjû.

Kûak teyya, attatî Omui îrûmana ebotie hoi hanî.

Ikoddo Ikaŋ îttûlaniere ahoi hanî. Ittûlak Omui ahoi hêjû itorowwok.

Itayîrûnî isi honyosi îkîana tô ꞌlet. Ilîaha Ikaŋ attohuna!

Ara ahotio hou ônnô hobeŋ ꞌtô îttûlanio îmaji honyi.

"Kûak, Omui, ipihu asêgêr anîa dini," ahahayahî Ikaŋ.

Adak Ikaŋ îsêgêr êttê îttûlana ahotio hou anîa îhîdê torowwok. Attatî Omui ipihuna asêgêr êhalû.

"Ehûhûmak inyi!" Attoŋonie Ikaŋ iko Omui. Gaa ihuania, aŋa honyosi êkat ônô amahatab îttalîa honyi.

"Oyyu jihoŋ igonyuniere îtaî îttôŋôtî ahûattêk," Ikîana honyosi buo ojiŋu attua mahatab.

"Atuhok nî êgîama hoŋ ônô ahana. Iwahata îtaî ômûk attôlô-falaŋa?

Atî, îlôfîôrôjôtô îtaî ꞌdaŋ tê êttûttûlana hataî atorowwok anîa inyiak imaji honyi ônnô ôbîs," ajio honyosi.

Amijie nyia Ikaŋ iko Omui ahûêttêk hosi tê êllîllîha.

Omîjak îyaŋ êram anîa aŋaî?

Ahotio hou,
Agûgûr,
Ahoi hanî,
Ahoi fiala,
Amarî iko atorowwok sûhê,
Ahoi ihuluk,
Ahoi hêjû,
Ahoi ꞌrafu.