Iyôdô ana.

Orifio Iyôdô.

Orifio Iyôdô attanura.

Orifio Iyôdô ta arrigi.

Atuhoi arrigi Iyôdô. Awak Iyôdô lêtên inyiaŋuno ômûk arrigi.

Awak Iyôdô anyahuo enyiaŋita ꞌrigi. Olô ꞌtadî inyi îrûmana anyahuo ajia?

Igonyu Iyôdô ôbô ayyani.

Ilîaha nyia ayyani nyia buo fê ôŋî.

Aŋêr paîpaî hûa.

Ofîfîlî aŋêr paîpahien.

Owon êttaŋî jio Iyôdô.

Ettê îttaŋûna aŋêr paîpahien hûa.

Afany Iyôdô isuk.

Iwwohuno apaîpahien hûnîa isuk.

Awak Iyôdô itinyiaŋio apaîpahien hûnîa.

Imîja atulo alîa. Inyiaŋu atulo alîa apaîpaî. Adûmak anyahuo jio Iyôdô.

Itinyiaŋak Iyôdô apaîpahien arriaî. Alô Iyôdô inyiaŋuna arrigi ta anyahuo hûnîa.

To suk teyya, igonyu nyia Iyôdô arraboloi.

Abeŋ inyiaŋu arraboloi hûa.

Ettê igonyuna attamattis.

Abeŋ inyiaŋu attamattis hûa.

Gaa diyya êttê igonyuna esisiaî.

Abeŋ buo fê inyiaŋu anîa.

Igonyu nyia buo fê inyi êmûnê.

Abeŋ inyiaŋu êmûnê.

Attatî buo Iyôdô igonyuna ôbô atulo.

Itinyiaŋio atulo alîa arrigi.

Ettê Iyôdô inyiaŋuna arrigi.

Awon Iyôdô ika arrigi. Omuno inyi bêbê bêbê.

Ihuania, alô Iyôdô ituhonia arifio ꞌtanura honyi ta arrigi hûnîa.