Obeŋ êêtûk Sîhîrati oŋuo buo fê asuhotio honyi êlaman.

Anyio ênnê îdîmatio Sîhîrati osohinierek êrrê hûnîa ihuo hûnîa jihonyi?

Irrirriasatio Sîhîrati tê errirriesi honyi ônnô ôdô ꞌtô.

Irrirriasatio bêbê, enyiahita arrîhaî îhôlôŋ abotie ta amajun.

Tô ôbô amotie îhalû ŋiria-ettihit, obuoyo nyia Sîhîrati errirriasa hala honyi.

"Alô nî îtawôj errirriasa tô ômûk oŋitek kaî!" Igigilo Sîhîrati.

Atî, abeŋ nyia Sîhîrati îtawôj errirriasa honyi nyia tô oŋitek kaî.

Abeŋ Sîhîrati irrirriasa many êsabîtî hunihoi.

Ajio Sîhîrati, "Abeŋ nî enyiak wahan errirriesi hoŋ anna ariet."

Itterie aala Sîhîrati adaran.

Abeŋ asuhotio honyi inyiak îlaman buo fê êêtûk honyi êttê iŋuajan.

"Awak îtawôj iyye êtawôjio hôî errirriasa!" Ajio ôrîahati honyi ônnô omuno inyi bêbê.

Anyio oremik inyiahuno abîaŋan ŋuajan hûtûk iko êlaman isuhotio Sîhîrati?

Imîjak iyye nanyio oremik inyiahuno abîaŋan ŋuajan hûtûk iko êlaman isuhotio Sîhîrati?