Tô ôbô nôlôŋ egonyu nyia hôhôî ôbô narîŋ iriohu alamaraî ihuo edis.

Buo ara nyiadî amaa ônnô ottu ꞌtô nyia imiji hôhôî.

Imôk nyia amaa nyia îmatta êttê iŋiyo êrrê hunyia îdûlanî, ayyani iko amîyaŋ.

Ekiem hôhôî êfûhara amaa anîa addî.

Atî obeŋ nyia amaa anîa iruk êfûha.

Eturuho nyia hôhôî buo fê eluluhi, "Wuuu, wuuu!"

Atî obeŋ nyia amaa anîa awak aleten.

Abak hôhôî asofiyaa iko êmata.

Buo amaa anîa fê obeŋ awak alêtên.

Etawwulohi hôhôî êêma jio ôŋîda amaa anîa ôlô addi.

Obeŋ ꞌdaŋ iruk alêtên.

Attatî buo amaa anîa iriehina iyyaniꞌ.

Owurorîk atanata ꞌyaniꞌ ta alûajî hosi.

Attatî hôhôî iyyiuna jio oyyu amaa ta aŋiyo êllê êmûd!

Ettê aatî ꞌdaŋ itterio êpûda amaa anîa îtûhattaî îdêê iko îbôyô hosi.

Iyaŋunie aduri ehulo hosi êttê îtûfûtana amaa diyya.

Emûd hôhôî amaa anîa buo fê êhêj ômûk. Etayôhôjôk nyia buo fê hôhôî ômûk ôŋîda efuonni iŋiyo alla attu ameyu.

Atî, harasa nyia amaa nyia asaî.

Attatî nyia motie, alô amaa nyia.

Idiaharû nyia edis maa nyia amiji hôhôî.

Hinyia igonyuni hamonye matta amatta hosi, êttê igur, "Atuhoi amatta hôhôî!"

Ayoi miji jio, "Efuo ꞌtadî hôhôî iŋiyo anyio êŋalô? Nanyio ênnê idiaharû amaa anîa jihôhôî?"